“नकली शिवसेनेत हिंमत असेल तर काँग्रेसच्या युवराजांकडून…”, कल्याणमधील सभेतून पंतप्रधान मोदींचं ठाकरे गटाला आव्हान

नरेंद्र मोदी म्हणाले, काँग्रेसवाले सातत्याने स्वातंत्र्यवीर विनायक दामोदर सावरकरांचा अपमान करत असतात. मात्र नकली शिवसेनावाले त्यावर काहीच बोलत नाहीत. नकली शिवसेनेमध्ये काँग्रेसला असं करण्यापासून रोखण्याची हिंमत नाही. ते काँग्रेसला काही बोलूच शकत नाहीत. महाराष्ट्रातील इंडिया आघाडीच्या लोकांना मी आव्हान देतो की त्यांनी काँग्रेसच्या युवराजांच्या तोंडून वीर सावरकरांबद्दल पाच चांगली वाक्ये वदवून घेऊन दाखवावी. माझं इंडिया आघाडीला आव्हान आहे, त्यांच्या मोठ्या नेत्यांना माझं ओपन चॅलेंज आहे की त्यांनी काँग्रेसच्या युवराजांकडून वीर सावरकरांबद्दल चांगली वाक्ये वदवून घ्यावी.

आणखी वाचा

“महेश लांडगे यांचा कुणी बालही बाका करू शकत नाही”, असं देवेंद्र फडणवीस का म्हणाले?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

उद्धव ठाकरे हे घरी एकच असतात व बाहेर देखील एकच असतात – आदित्य ठाकरे

“माझी बॅग तुझ्याकडे देतो, फक्त त्यातले कपडे…”; उद्धव ठाकरेंनी एकनाथ शिंदेंना डिवचलं!

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

Uddhav Thackeray : उद्धव ठाकरेंची खोचक शब्दांत टीका, “महायुतीला मत म्हणजे गुजरातला मत, कारण..”

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

“उद्धव ठाकरेंकडून प्रकल्पांची अडवणूक, जनता त्यांना थारा देणार नाही…” देवेंद्र फडणवीसांची टीका

नरेंद्र मोदी म्हणाले, काँग्रेसच्या युवराजांची वीर सावरकरांवरील टीका पाहून आम्ही त्याला विरोध केला. आम्ही नकली शिवसेनेवरही टीका केली. त्यानंतर नकली शिवसेनेसह काँग्रेसच्या मित्र पक्षांनी काँग्रेसच्या युवराजाला सांगितलं की, बाबा रे, तू आता वीर सावरकरांबद्दल काही बोलू नकोस. तेव्हापासून काँग्रेसचा युवराज सावरकरांबद्दल काहीही बोललेला नाही.

हे ही वाचा >> “मोदींनीच ७५ वर्षे वयाचा नियम केला, आता…”, तिसऱ्या टर्मबाबत पृथ्वीराज चव्हाणांचं सूचक वक्तव्य

पंतप्रधान मोदी म्हणाले, देशात काँग्रेसचं सरकार असताना देशात दहशतवादी याकूब मेमनची कबर बांधली जाते. तेच काँग्रेसवाले राम मंदिरातील श्रीरामाच्या प्राणप्रतिष्ठेचं निमंत्रण नाकारतात आणि राम मंदिराबाबत सातत्याने अपमानजनक भाषा वापरतात. मला राज्यातील जनतेला विचारायचं आहे की तुम्हाला काँग्रेसचं हे सगळं वागणं मान्य आहे का? तुम्ही त्यांना मत देणार का? तुम्ही इंडिया आघाडीवाल्यांना या निवडणुकीत शिक्षा देणार की नाही? माझी इच्छा आहे की हे सगळं करणाऱ्या काँग्रेसला तुम्ही या निवडणुकीत शिक्षा द्यायला हवी, जेणेकरून ते लोक अशा प्रकारचं पाप करण्याची परत कधी हिंमत करणार नाहीत.