NCP Sharad Pawar Third Candidate List : मोठी बातमी! शरद पवारांच्या राष्ट्रवादीची तिसरी यादी जाहीर; धनंजय मुंडेंच्या विरोधात दिला ‘हा’ तगडा उमेदवार

कोणाला कोठून मिळाली संधी?

वाशिममधील कारंजा-ज्ञायक पाटणी, हिंगणघाट-अतुल वांदिले, नागपूरमधील हिंगणा-रमेश बंग, अणुशक्तीनगर-फहद अहमद, चिंचवड-राहुल कलाटे, भोसरी-अजित गव्हाणे, माजलगाव-मोहन जगताप, परळी-राजेसाहेब देशमुख, मोहोळ-सिद्धी रमेश कदम यांच्यासह आदी जणांच्या नावाची घोषणा करण्यात आली आहे.

हेही वाचा : NCP Candidate 3rd List : मोठी बातमी! अजित पवारांच्या राष्ट्रवादीची तिसरी यादी जाहीर; कोणाला कोणत्या मतदारसंघातून मिळाली उमेदवारी?

धनंजय मुंडे विरुद्ध राजेसाहेब देशमुख

परळी विधानसभा मतदारसंघात (Parli Vidhansabha Election) राष्ट्रवादी काँग्रेस (शरद पवार) पक्षाकडून राजेसाहेब देशमुख यांना उमेदवारी देण्यात आली आहे, तर राष्ट्रवादी काँग्रेस (अजित पवार) पक्षाकडून धनंजय मुंडे (Dhananjay Munde) यांना उमेदवारी देण्यात आली आहे.त्यामुळे परळी विधानसभा मतदारसंघात धनंजय मुंडे आणि राजेसाहेब देशमुख यांच्यात लढत होणार आहे.

कोणाला कोठून मिळाली उमेदवारी? वाचा यादी!

जयंत पाटील काय म्हणाले?

जयंत पाटील यांनी आज पत्रकार परिषद घेत राष्ट्रवादी काँग्रेस (शरद पवार) पक्षाची तिसरी यादी जाहीर केली. यावेळी जयंत पाटील म्हणाले, “महाविकास आघाडीमध्ये आमच्या राष्ट्रवादी काँग्रेस (शरद पवार) पक्षाला ज्या जागा आल्या आहेत. त्यातील एकूण उमेदवारांपैकी आम्ही आमच्या यादीत एकूण ११ महिलांना उमेदवारी दिली आहे. त्यामुळे आम्हाला याचा आनंद आहे. लाडकी बहीण म्हणून आम्ही फक्त घोषणा करत नाहीत तर आम्ही कृती देखील करतो. आमच्या पक्षाला ज्या जागा उपलब्ध झाल्या, त्यामध्ये आम्ही ११ महिलांना उमेदवारी दिली”, असं जयंत पाटील यांनी म्हटलं आहे.