Karnataka : प्रचाराच्या शेवटच्या दिवशी मोदींचे भावनिक आवाहन; प्रियंका गांधी म्हणाल्या, “पंतप्रधानांना विकासचा विसर”

म्हैसूर जिल्ह्यातील नंजनगुड येथे प्रचारफेरीच्या माध्यमातून कर्नाटकमधील प्रचाराचा शेवट करत असताना मोदी यांनी रविवारी हा आरोप केला. ते म्हणाले, “काँग्रेस पक्षाच्या शाही परिवाराचा देशातील राजकारणावर प्रभाव आहे. त्यांनी छुप्या पद्धतीने परकीय शक्तींशी हातमिळवणी केली असून ज्यांना भारत आवडत नाही, अशा परकीय नेत्यांसोबत त्यांच्या बैठका झाल्या आहेत.” ते पुढे म्हणाले की, तुकडे तुकडे गँगचा विचार काँग्रेसमध्ये इतक्या वरच्या पातळीवर पोहोचेल, असा विचार मी कधी केला नव्हता.

आणखी वाचा

‘चिखलदरा स्‍कायवॉकचे काम महाविकास आघाडीने थांबविले’, उपमुख्‍यमंत्री देवेंद्र फडणीसांचा आरोप

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

“काँग्रेसच्या सत्तेतील राज्य शाही परिवाराचे ‘एटीएम’, मद्यविक्रेत्यांकडून ७०० कोटी रुपयांची वसुली,” पंतप्रधान नरेंद्र मोदींचा घणाघात

भोसरी राजकारण तापलं; महेश लांडगेंच्या तंबीला अजित गव्हाणेंचे प्रत्युत्तर, म्हणाले “पराभवाच्या छायेतून…”

हे वाचा >> Video : कर्नाटकच्या प्रचारात ‘द केरल स्टोरी’चा तडका, भाजपा अध्यक्ष नड्डा यांची विद्यार्थिनींसह चित्रपटाला हजेरी

“काँग्रेसच्या शाही परिवाराने कर्नाटकच्या निवडणुकीत आपली मर्यादा ओलांडली आहे. देशाच्या भावना आणि परंपरांना त्यांनी नख लावले आहे. मी दुःख व्यक्त करत सबंध हिंदुस्तानवासीयांना सांगू इच्छितो की, काल शाही परिवाराने कर्नाटकच्या सार्वभौमत्वाचे रक्षण करण्याची भाषा वापरली. याचा अर्थ तुम्हाला कळला का? जेव्हा एखाद्या देशाला स्वातंत्र्य प्राप्त होते, तेव्हा तो देश सार्वभौम देश असल्याचे मानले जाते. काँग्रेस कर्नाटकाला जेव्हा सार्वभौम म्हणते, याचा अर्थ कर्नाटक भारतापेक्षा वेगळा आहे, असे काँग्रेसला सुचवायचे आहे का?” असा सवाल पंतप्रधान मोदी यांनी सभेत उपस्थित केला.

हे वाचा >> Karnataka : सोनिया गांधी यांच्या ‘त्या’ वक्तव्यावरून भाजपाची निवडणूक आयोगाकडे तक्रार

तुम्हाला हे मान्य आहे का? असे विधान केल्याबद्दल काँग्रेसला शिक्षा द्यायला हवी की नको? याचा अर्थ कर्नाटकाला भारतापासून वेगळे करण्याची भाषा काँग्रेसकडून केली जात आहे. मला कधी वाटले नव्हते की, तुकडे तुकडे गँगचा परिणाम काँग्रेसमध्ये एवढ्या वरच्या पातळीपर्यंत जाईल, असेही ते म्हणाले.

काँग्रेस नेत्या प्रियंका गांधी वाड्रा यांनी बंगळुरू येथील जाहीर सभेत पंतप्रधान मोदींच्या या आरोपाला प्रत्युत्तर दिले. त्या म्हणाल्या, “पंतप्रधान विकास आणि महागाईचे मुद्दे विसरले आहेत आणि मला ते सांगत असलेले आंतरराष्ट्रीय षडयंत्र समजू शकलेले नाही. पंतप्रधानांना अजूनही समजलेले दिसत नाही की, लोकांना त्यांचे दैनंदिन प्रश्न आणि अडचणींवर चर्चा हवी आहे.”

हे ही वाचा >> “मणिपूर जळत आहे, पण पंतप्रधान नरेंद्र मोदी…”, राहुल गांधींचा हल्लाबोल

मोदी आपल्या भाषणात म्हणाले होते, काँग्रेसने स्वातंत्र्यसैनिकांचा आणि देशभक्त असलेल्या कन्नडिगांचा अवमान केला आहे. राज्या-राज्यांना विभागून दोन भावांमध्ये भांडणे लावणे, हा काँग्रेसचा इतिहास आहे. जेव्हा जेव्हा काँग्रेसने विभाजन करण्याचा प्रयत्न केला, तेव्हा तेव्हा देशवासीयांनी एकत्र येत काँग्रेसचा पराभव केला. राजकीय प्राणवायू मिळावा यासाठी काँग्रेसला कोणत्याही परिस्थितीत कर्नाटकची सत्ता हवी आहे. पण आमचा पक्ष त्यांना १० मे रोजी प्रत्युत्तर देईल, असेही ते म्हणाले.

काँग्रेस जेव्हा सत्तेत येते, तेव्हा दहशतवादी आणि गुन्हेगारी प्रवृत्ती डोके वर काढतात. हे राष्ट्रीय सुरक्षेच्या दृष्टिकोनातून अत्यंत धोकादायक आहे. काँग्रेसने दहशतवाद्यांचे तुष्टीकरण केलेले आपण याआधी केरळ आणि कर्नाटकात पाहिले आहे. १० मे रोजी, जेव्हा तुम्ही मतदान कराल, तेव्हा ही बाब ध्यानात ठेवा, असे आवाहन मोदी यांनी केले. जिथे कायदा आणि सुव्यवस्था चोख असते, तिथेच गुंतवणूक येते. फक्त भाजपा असा पक्ष आहे, जो कायदा व सुव्यवस्थेची घडी व्यवस्थित बसवू शकतो, असेही त्यांनी सांगितले.