“अतिआत्मविश्वासाचा आम्हाला फटका बसला”, संजय शिरसाटांचं विधान चर्चेत; म्हणाले, “जागावाटपात झालेल्या सर्व्हेमुळे…”

“लोकसभेच्या निकालाबाबत जनतेने दिलेला कौल आम्हाला मान्य आहे. परंतु, आम्हाला इतरांवर टीका करण्यापेक्षा आमच्या चुका दुरुस्त करणं गरजेचं वाटतं. खऱ्या अर्थाने जागा वाटपात सर्व्हे हा केंद्रबिंदू होता. या सर्व्हेच्या नावाखाली अनेक जागा बदलल्या गेल्या. त्यामुळे नुकसान झालं आहे. प्रत्येकाने सर्व्हे आणले. सर्व्हेमुळे आम्हाला अतिआत्मविश्वास आला होता, त्यामुळे आम्हाला फटका बसला आहे”, असं म्हणत शिंदे गटाचे आमदार संजय शिरसाट यांनी पराभव मान्य केला आहे.

आणखी वाचा

पक्षश्रेष्ठींचा आशीर्वाद अन् दोघेही बाशिंग बांधून तयार, पण सुमंगल कोणाचे? गोंदियावरून आघाडीत तिढा!

४ ऑक्टोबर पंचांग: मेष, वृषभसह ‘या’ राशींवर देवी…

राज ठाकरे यांची पश्चिम विदर्भात चाचपणी; उमेदवारांच्या नावांची प्रतीक्षा

हरियाणा विधानसभा निवडणूक : चार वर्षांपूर्वी धुमधडाक्यात सुरु केलेली ‘ती’ योजना भाजपासाठी अडचणीची ठरणार?

सांगलीच्या राजकारणात पुन्हा एकदा ‘दुष्काळी फोरम’

महाशक्तीला विदर्भात काँग्रेसची भीती का वाटते ?

अकोला :‘लाडक्या बहीण’च्या लाभासाठी चक्क भाऊ रांगेत; वाचा नेमकं घडल काय?

धारावी मशिद तोडक कारवाई: मुस्लिम समुदायाला लक्ष्य केल्याचा आरोप, सपा आमदार रईस शेख यांचे मुख्यमंत्र्यांना पत्र

आमचा स्ट्राईक रेट चांगला आहे

“जागा वाटप झाल्यावरही शेवटच्या क्षणाला उमेदवाराला कमी वेळ मिळतो. तेव्हा मतदारांपर्यंत पोहोचेपर्यंत अनेक राजकारण घडलेलं असतं. परंतु, स्पष्टपणे बोललं पाहिजे. कधीतरी यावर चर्चा झाली पाहिजे. राहिला निकालाचा प्रश्न तर फक्त आम्ही १५ पैकी ७ जागांवर जिंकलो आहोत. त्यानुसार, आमचा स्ट्राईक रेट चांगला आहे”, अशीरी सारवासारव त्यांनी केली.

हेही वाचा >> Lok Sabha Election Result 2024 Live Updates : नरेंद्र मोदी राष्ट्रपती भवनात दाखल; पंतप्रधानपदाचा राजीनामा देणार

“महाविकास आघाडीचा काँग्रेस आणि राष्ट्रवादी काँग्रेस (शरद पवार गट) सर्वाधिक फायदा झाला. ज्यांची एक जागा होती, आता त्यांना १३ जागा मिळाल्या. म्हणून इतर लोक चमत्कार घडवला या अविर्भावात आहे. काँग्रेस आणि राष्ट्रवादी काँग्रेसने उबाठाच्या उमेदवारांसाठी मनापासून काम केलं नाही. सांगलीचं ज्वलंत उदाहारण आहे”, असंही ते म्हणाले.

आता दिल्लीवाऱ्या सुरू झाल्यात

“उबाठा गट २२ पैकी ९ जागांवर यशस्वी ठरला. त्यामुळे १३ जागा कशा पडल्या यावर मनन-चिंतन करण्याची गरज आहे. वंदनीय, आदरणीय, हृदयसम्राट राहुल गांधींच्या भेटीला ते आता जातील. हे दिल्लीच्या वाऱ्या करायला सज्ज झाले आहेत. सरकार कसं बनवायचं यावर ते विचार मांडतील”, अशी टीकाही त्यांनी केली.

हेही वाचा >> मुंबईत आवाज ठाकरेंचा !

“जनतेने या लोकसभेच्या निवडणुकीत जो कौल दिलाय तो मान्य करतोय. या चुका पुन्हा होणार नाही, तो पुन्हा होणार नाही. हा सेट बॅक आम्ही विधानसभेत भरून काढू”, असं म्हणत त्यांनी विधानसभा निवडणुकीबाबतही सूचक विधान केलं आहे.