लैंगिक अत्याचार करून त्याचे व्हिडीओ रेकॉर्डिंग केल्यामुळे चर्चेत आलेल्या प्रज्ज्वल रेवण्णाचा हासन लोकसभेतून पराभव होत असल्याचे दिसत आहे. दुपारी १.३० वाजता प्रज्ज्वल रेवण्णा हे ४० हजार ५६८ मतांनी पिछाडीवर आहेत. तर काँग्रेसचे उमेदवार श्रेयस एम. पटेल हे आघाडीवर आहेत. श्रेयस पटेल यांनी तब्बल ६ लाख ६१ हजार ५९९ एवढी मते घेतली आहेत. तर रेवण्णा यांना ६ लाख २१ हजार ०३१ मते मिळाली आहेत. मतमोजणीच्या आणखी काही फेऱ्या बाकी आहेत. त्यातही प्रज्ज्वल रेवण्णा यांना आघाडी घेता आली नाही, तर त्यांचा पराभव निश्चित असल्याचे म्हटले जाते.
प्रज्ज्वल रेवण्णा यांच्यासाठी खुद्द पंतप्रधान नरेंद्र मोदी यांनी प्रचार सभा घेतली होती. रेवण्णा यांना निवडून द्या, असे आवाहन त्यांनी लोकांना केले होते. मात्र दुसऱ्या टप्प्यात २६ एप्रिल रोजी मतदान झाल्यानंतर दुसऱ्याच दिवशी २७ एप्रिल रोजी त्यांचा सेक्स व्हिडीओचा पेन ड्राईव्ह समोर आला. त्यामुळे ते अडचणीत आले. दुसऱ्याच दिवशी २८ एप्रिल रोजी त्यांनी कर्नाटकमधून पळ काढला आणि जर्मनी देशात आसरा घेतला.
मुंबईत ठाकरे गटाचे सर्व शिलेदार आघाडीवर, शिंदे गटाला कडवी लढत
कर्नाटक सेक्स स्कँडल प्रकरणी आरोपी प्रज्वल रेवण्णाला ३१ मे रोजी बंगुळूरूच्या केम्पेगौडा आंतरराष्ट्रीय विमानतळावरून अटक करण्यात आली. त्यानंतर त्याला न्यायालयात हजर करण्यात आले असता न्यायालयाने ६ जूनपर्यंत पोलीस कोठडी सुनावली. प्रज्वल रेवण्णावर कर्नाटकमधील अनेक महिलांचे लैंगिक शोषण केल्याचा आरोप आहे. या प्रकरणातील कथित सेक्स व्हिडीओचा पेन ड्राइव्हही बाहेर आल्याची चर्चा आहे. या संपूर्ण प्रकरणाचा तपास करण्यासाठी कर्नाटक सरकारने एसआयटी स्थापन केलेली आहे.
सुप्रिया सुळे आणि सुनेत्रा पवार यांच्यात १३ हजारांचा फरक, बारामतीचा गड राखण्यासाठी लेकी-सुनेत चढाओढ
नेमकं प्रकरण काय?
जवळपास महिन्याभरापूर्वी कर्नाटकमधील मतदानानंतर हे सगळं प्रकरण उघड झालं. प्रज्वल रेवण्णाच्या ड्रायव्हरनंच या सगळ्या क्लिप असणारा पेनड्राईव्ह पोलिसांच्या हवाली केला होता. त्यानंतर पोलिसांनी प्रज्वल रेवण्णाचा शोध सुरू केला. मात्र, तोपर्यंत तो विदेशात फरार झाला होता. त्याच्याविरोधात लुकआऊट नोटिसाही काढण्यात आल्या होत्या. गेल्या महिन्याभरात त्याचा कोणताही ठावठिकाणा लागला नव्हता. तसेच, त्याच्याकडून या संपूर्ण प्रकरणावर कोणतंही भाष्य किंवा बाजू मांडण्यात आली नव्हती.
