Raj Thackeray Morarji Desai Sanjay Raut Maharashtra Assembly Polls

Raj Thackeray vs Sanjay Raut : संजय राऊत यांनी काही वेळापूर्वी मुंबईत प्रसारमाध्यमांशी संवाद साधला.

"राज ठाकरे काय वक्तव्ये करतात याला महाराष्ट्रात आता किंमत नाही", असं संजय राऊत म्हणाले. (PC : Raj Thackeray/X & RNO)

Raj Thackeray vs Sanjay Raut Marathi Ideology : महाराष्ट्र नवनिर्माण सेनेचे अध्यक्ष राज ठाकरे हे पक्षस्थापनेपासून किंबहुना त्याआधी शिवसेनेत होते तेव्हापासून सातत्याने मराठी माणूस, मराठी अस्मितेच्या मुद्द्यावर राजकारण करत आले आहेत. मात्र त्यांच्या या भूमिकेवर शिवसेना (ठाकरे) खासदार संजय राऊत यांनी शंका उपस्थित केली आहे. “राज ठाकरे देखील गुजराती व्यापारी व नेत्यांच्या बाजूने उभे असल्याची टीका राऊत यांनी केली. महाराष्ट्राबद्दल, मराठी अस्मितेबद्दल राज ठाकरे जे काही बोलतात त्याला काही किंमत नाही, मोरारजी देसाईंनंतर राज ठाकरेच आहेत ज्यांना दोन्ही राज्यांचं नेतृत्व करायचं आहे”, असं राऊत म्हणाले.

शिवसेना (ठाकरे) खासदार म्हणाले, “राज ठाकरे काय वक्तव्ये करतात याला महाराष्ट्रात आता किंमत नाही. मोरारजी देसाई यांच्यानंतर गुजरात आणि महाराष्ट्राचं नेतृत्व करण्याची त्यांची इच्छा आहे. महाराष्ट्रात त्यांच्या पक्षाला फार स्थान आहे असं वाटत नाही. मोरारजी देसाईंनंतर आता राज ठाकरेच आहेत असं त्यांना वाटतं. मराठी अस्मितेबद्दल त्यांच्या मनात काय आहे याबाबतची शंका कायम आमच्या मनात राहील. उद्धव ठाकरे हे महाराष्ट्र स्वाभिमानाचा व अस्मितेचा प्रचार करत आहेत. शिवसेना (ठाकरे) पक्षप्रमुख व शरद पवार यांची लढाई महाराष्ट्राच्या स्वाभिमानासाठी आहे. त्यात जनता त्यांच्याबरोबर आहे.

हे ही वाचा >> Devendra Fadnavis : “इधरकू तुम्हारा कोई कामा नहीं”, फडणवीसांकडून हैदरबादी भाषेत ओवैसींना चिमटा; औरंगजेबाचा उल्लेख करत म्हणाले…

…अन् आम्हाला मोरारजी देसाई आठवले : राऊत

संजय राऊत म्हणाले, “गुजरातच्या दोन व्यापाऱ्यांनी महाराष्ट्राची लूट चालवली आहे आणि हे (राज ठाकरे) महाशय त्यांच्या बाजूने उभे आहेत. त्यांच्या वागण्यामुळे व त्यांची कृती पाहून आम्हाला मोरारजी देसाई यांची आठवण झाली हे दुर्दैव आहे. राज ठाकरे हे महान नेते आहेत, मला त्यांच्याबद्दल बोलायचं नाही. उद्धव ठाकरे यांच्यावर बोलताना त्यांनी भान ठेवावं ते शिवसेनेचे (उबाठा) पक्षप्रमुख आहेत. उद्धव ठाकरे आणि शरद पवार यांची लढाई महाराष्ट्रावर डल्ला मारणाऱ्या गुजरातच्या व्यापाऱ्यांविरोधात आहे. विक्रोळीत राज ठाकरे यांना वारंवार सभा घ्यावी लागत असेल तर त्यांचा पक्ष इथे कमकुवात आहे हे सिद्ध होतंय. या मतदारसंघात केवळ सुनील राऊतच निवडून येणार.

हे ही वाचा >> मुंबईच्या विकासासाठी महापालिका, महापौरांना अधिक अधिकार हवेत; ‘मुंबई फर्स्ट’च्या कार्यक्रमात आदित्य ठाकरे यांची भूमिका

मोरारजी देसाई कोण होते?

मोरारजी देसाई हे बॉम्बे स्टेटचे (महाराष्ट्र व गुजरात) दुसरे मुख्यमंत्री होते. तसेच भारताचे पंतप्रधान होणारे पहिले बिगर काँग्रेसी नेते अशी त्यांची ओळख आहे. देसाई बॉम्बेचे मुख्यमंत्री असताना संयुक्त महाराष्ट्र चळवळ चालू होती. संयुक्त महाराष्ट्राला त्यांचा टोकाचा विरोध होता. तसेच मुंबई महाराष्ट्राला देण्यासही त्यांनी विरोध केला होता.

Web Title: Raj thackeray wants to become next morarji desai says sanjay raut maharashtra assembly election 2024 asc

Raj Thackeray : “मोरारजींनंतर राज ठाकरेच, त्यांच्या म्हणण्याला किंमत नाही”; संजय राऊतांची बोचरी टीका!

Raj Thackeray vs Sanjay Raut : संजय राऊत यांनी काही वेळापूर्वी मुंबईत प्रसारमाध्यमांशी संवाद साधला.

…अन् आम्हाला मोरारजी देसाई आठवले : राऊत

मोरारजी देसाई कोण होते?