Rajasthan Vidhan Sabha Election Result 2023 Updates, 3 December 2023: निकालाच्या दोन दिवस आधी मिझोरममधील मतमोजणी एक दिवस पुढे अर्थात ४ तारखेपर्यंत पुढे ढकलण्यात आली. मात्र, राजस्थान, मध्य प्रदेश, छत्तीसगड व तेलंगणा या चार राज्यांमध्ये आजच मतमोजणी होत असून काँग्रेस व भाजपा या दोन प्रमुख राष्ट्रीय पक्षांमधली ही लढत पुढील वर्षी होणाऱ्या लोकसभा निवडणुकांची रंगीत तालीम मानली जात आहे. एग्झिट पोलमध्ये भाजपाला झुकतं माप मिळालं असलं, तरी राजस्थानमध्ये अँटि इन्कम्बन्सीचा फायदा भाजपाला होतो की काँग्रेस सत्ता राखते, याकडे सगळ्यांचं लक्ष लागलं आहे.
Rajasthan Assembly Election Result 2023 Updates: राजस्थान विधानसभा निवडणुकीसंदर्भातले सर्व महत्त्वाचे अपडेट्स एका क्लिकवर!
भाजपा - ११५
काँग्रेस - ७०
बसप - २
इतर - १२
राजस्थान, मध्य प्रदेश व छत्तीसगडमध्ये भाजपाला मोठा विजय मिळाला असला, तरी तेलंगणामध्ये मात्र काँग्रेसनं केसीआर यांच्या बीआरएसला पराभूत केलं आहे.
चार राज्य, दोन पक्ष, निवडणूक निकाल आणि राजकीय भवितव्य! पाहा गिरीश कुबेर यांचं विश्लेषण...
राजस्थान, मध्य प्रदेश, छत्तीसगड निवडणूक निकालांचं विश्लेषण गिरीश कुबेर यांच्या शब्दांत!
ज्यांना भ्रष्टाचाऱ्यांच्या बाजूला उभं राहण्यात अजिबात संकोच वाटत नाही, त्यांना आज देशानं स्पष्ट शब्दांत संदेश दिला आहे. जे भ्रष्टाचाऱ्यांना पाठिशी घालण्याचा प्रयत्न करतात, तपास यंत्रणांची दिवसरात्र बदनामी करत आहेत. त्यांनी हे लक्षात घ्यावं की हे निकाल भ्रष्टाचाराच्या विरोधातील लढ्याला मिळालेली जनतेची सहमतीच आहे. हे निकाल काँग्रेस किंवा त्यांच्या आघाडीलाही मोठा धडा आहे. तो धडा हा आहे की फक्त काही कुटुंबीयांनी एकत्र येण्यामुळे फोटो कितीची चांगला आला, तरी देशाचा विश्वास जिंकणं अशक्य आहे. देशाच्या जनतेचा विश्वास जिंकण्यासाठी राष्ट्रसेवेची इच्छा असायला हवी. घमंडिया आघाडीत ती तसूभरही दिसत नाही. शिवीगाळ, निराशा, नकारात्मकता यामुळे घमंडिया आघाडीला माध्यमांमध्ये मथळे मिळू शकतात, पण जनतेच्या मनात जागा मिळू शकत नाही - नरेंद्र मोदी
काही लोक तर म्हणत आहेत की आजच्या या हॅटट्रिकनं २०२४ सालच्या हॅटट्रिकची गॅरंटी देऊन टाकली आहे - पंतप्रधान नरेंद्र मोदींची विजयानंतर प्रतिक्रिया
देशात जर कुणाची गॅरंटी आहे, तर ती फक्त मोदींची गॅरंटी आहे. या निवडणूक निकालांवरून हे स्पष्ट होतंय की मोदी है तो मुमकिन है.. जातीवाद आणि भेदभाव पसरवण्याचा प्रयत्न इंडिया आघाडीकडून करण्यात आला. पण त्यांच्यासमोर मोदींचं विकासाचं पारडं जड ठरलं. मोदींना शिवीगाळ करणं म्हणजे ओबीसींना शिवीगाळ करणं आहे हे त्यांना कळलं नाही का ? - जे. पी. नड्डा
मुख्यमंत्री अशोक गहलोत यांनी राज्यपालांकडे केला राजीनामा सादर
राजस्थानमध्ये भाजपाच्या विजयावर निवडणूक आयोगाचं शिक्कामोर्तब; अधिकृत आकडा शंभरीपार!
राजस्थान, मध्य प्रदेश, छत्तीसगडमधील निकालांवर माजी क्रिकेटपटू वीरेंद्र सेहवागची पोस्ट व्हायरल!
https://twitter.com/virendersehwag/status/1731279537999368651
राहुल गांधींनी स्वीकारला राजस्थान, छत्तीसगड, मध्य प्रदेशमधला पराभव, म्हणाले...
भाजपाच्या अनेक मोठे नेते आणि पदाधिकाऱ्यांकडून प्रतिक्रिया येऊ लागल्या आहेत. या दरम्यान, देशाचे पंतप्रधान नरेंद्र मोदी यांनीही भाजपाच्या यशाबाबत एक्सवर पोस्ट केली आहे. पोस्टमधून त्यांनी राज्यातील जनतेचे आणि भाजपा नेत्यांचे आभार मानले आहेत.
काँग्रेसचे राष्ट्रीय अध्यक्ष मल्लिकार्जुन खर्गे यांची पहिली प्रतिक्रिया... म्हणाले, "आम्ही या तात्पुरत्या बसलेल्या धक्क्यातून लवकर सावरू आणि आगामी लोकसभा निवडणुकांसाठी इंडिया आघाडीसह पूर्ण सज्ज राहू."
पराभव स्वीकारताना राजस्थानचे मुख्यमंत्री म्हणतात, "मी नेहमीच हे म्हणत आलोय की मी जनतेचा कौल मान्य करेन. नव्या सरकारला माझ्या शुभेच्छा आहेत. मला आशा आहे की ते राज्यातल्या लोकांच्या कल्याणासाठी काम करतील. हे निकाल खरंच धक्कादायक आहेत."
भाजपाच्या विजयावर मोदींची पहिली प्रतिक्रिया...
राजस्थानच्या राजघराण्याच्या सदस्या दिया कुमारी या तब्बल ७१ हजार ३६८ मताधिक्यानं विजयी झाल्या आहेत. त्यांनी काँग्रेसचे सीताराम अगरवाल यांचा पराभव केला आहे. दिया कुमारी दुसऱ्यांदा आमदार म्हणून निवडून आल्या आहेत. याआधी २०१३ साली त्या आमदार म्हणून निवडून आल्या होत्या. २०१९च्या लोकसभा निवडणुकीत त्या लोकसभा निवडणूक जिंकल्या होत्या.
राजस्थानमध्ये काँग्रेस ७२ जागांवरच अडकली असून भाजपा ११३ जागांसह आघाडीवर आहे. त्यामुळे काँग्रेसच्या ताब्यात असलेल्या जवळपास ५० जागांवर पक्षाचा सुपडा साफ झाल्याचं निकालांवरून स्पष्ट होत आहे.
राजस्थानमध्ये काँग्रेसला मोठ्या पराभवाचा सामना करावा लागल्यानंतर आता काँग्रेसचे मुख्यमंत्री अशोक गेहलोत आज संध्याकाळीच राज भवनावर आपला राजीनामा सादर करणार आहेत, अशी माहिती समोर आली आहे,.
भाजपा उमेदवार राज्यवर्धन राठोड विजयी
भाजपाच्या विजयानंतर वसुंधरा राजे म्हणतात, "भाजपाचा हा विजय..."
“दोन ठिकाणी भाजपाचं राज्य होतं. तिथे त्यांनी अधिक लक्ष केंद्रीत केलं होतं. राजस्थानमध्ये काँग्रेस पाच वर्षे सत्तेवर होती. तिथे नव्या लोकांना संधी देऊ असं राजस्थानच्या लोकांना वाटलं. त्याला साजेसे आत्ताचे कल दिसत आहेत. हे कल आहेत निकाल नाहीत हे लक्षात घ्या. ” असं शरद पवार यांनी म्हटलं आहे.
राजस्थानमध्ये भाजपाला स्पष्ट बहुमत मिळत असल्याचं निवडणूक निकालांवरून स्पष्ट होत असताना आता भाजपामधून मुख्यमंत्रीपद कुणाला मिळणार? याची चर्चा सुरू झाली आहे. एकीकडे वसुंधरा राजेंचे भाजपा केंद्रीय नेतृत्वाबरोबर ताणले गेलेले संबंध असताना दुसरीकडे मगंत बलकनाथ यांची प्रबळ दावेदारी मानली जात आहे. मात्र, त्याचबरोबर भाजपामधील एक गट गजेंद्र शेखावत यांच्या नावासाठी आग्रही असल्याचं दिसून येत आहे.
भाजपाच्या विजयावर देवेंद्र फडणवीस म्हणतात, "मी आत्ता एवढंच सांगेन की..."
राहुल गांधींचा जुना व्हिडीओ व्हायरल
महाराष्ट्रातील भाजपा नेते अतुल भातखळकर यांची सोशल मीडिया पोस्ट, म्हणाले, "राजस्थान, मध्य प्रदेश, छत्तीसगढ तो झाँकी है, लोकसभा अभी बाकी है.. अब की बार ४०० पार".
भाजपा महिला कार्यकर्त्यांची सेलिब्रेशनला सुरुवात!
"इतक्यात अंदाज वर्तवणं घाईचं ठरेल", बिहारचे उपमुख्यमंत्री तेजस्वी यादव यांचं विधान
काँग्रेस मुख्यालयात लाडू, मिठाईची तयारी!
मतमोजणीवर आनंद महिंद्रांचं ट्वीट चर्चेत!
https://twitter.com/anandmahindra/status/1731175144884981972
वाचा राजस्थान मतमोजणीचे सर्व महत्त्वाचे अपडेट्स!
अंतर्गत दुफळींमुळे राजस्थानातील निवडणूक अधिक चुरशीची (संग्रहित छायाचित्र)
Rajasthan Assembly Election Result 2023 Updates: राजस्थानमध्ये पुन्हा काँग्रेसला हात की भाजपाला मतदारांची साथ?
