मतदारसंघ यादी

राजस्थान विधानसभेच्या २०० जागांसाठी २३ नोव्हेंबर २०२३ रोजी मतदान होणार आहे. राज्यातील एकूण २०० विधानसभा जागांपैकी ३४ जागा या अनुसूचित जातींच्या उमेदवारांसाठी तर २५ जागा या अनुसूचित जमातीच्या उमेदवारांसाठी राखीव ठेवण्यात आल्या आहेत. सध्या राजस्थानमध्ये ५.२ कोटी नागरिक मतदान करण्यासाठी पात्र आहेत. विद्यमान विधानसभेची मुदत १४ जानेवारी २०२४ रोजी संपणार असल्याने त्याआधीच मतदान प्रक्रिया पूर्ण करण्याचा निवडणूक आयोगाचा मानस आहे. २३ नोव्हेंबर रोजी मतदान झाल्यानंतर ३ डिसेंबर रोजी मतमोजणी होऊन निकाल समोर येणार आहेत. राजस्थानमध्ये सत्ता टिकवून ठेवण्याच्या प्रयत्नात काँग्रेस आहे. तर भाजपा काँग्रेसला सत्तेतून खाली खेचण्यासाठी कंबर कसून सज्ज आहे. २०१८ च्या निवडणुकीमध्ये काँग्रेसने २०० जागांपैकी १०० जागांवर विजय मिळवला होता. तर भाजपाला ७३ जागांवर समाधान मानावे लागले होते. तेव्हा बहुमतापेक्षा फक्त १ जागा कमी असल्याने काँग्रेसने राजस्थानमध्ये बहुजन समाज पक्षाच्या मदतीने सरकार स्थापन केले होते.