शिवराज सिंह चौहानांनी ८ लाखांहून अधिक मतांनी निवडणूक जिंकली, विजयानंतर म्हणाले, “जनता माझ्यासाठी…”

शिवराज सिंह चौहान हे मध्य प्रदेशचे माजी मुख्यमंत्री आहेत. त्यांना या लोकसभा निवडणुकीत भारतीय जनता पार्टीने मध्य प्रदेशातील विदिशा मतदारसंघातून उमेदवारी दिली होती. यानंतर त्यांनी तब्बल ८ लाख १७ हजार मतांनी निवडणूक जिंकली आहे. हा विजय त्यांनी आपला नसून जनतेचा असल्याचं म्हटलं आहे. तसंच पंतप्रधान नरेंद्र मोदी यांच्या नेतृत्वाखाली आम्हाला हा विजय मिळाला आहे. मी जनतेला सलाम करतो, जनता माझ्यासाठी देव आहे. त्यांनी माझ्यावर इतके प्रेम दाखवले की मी शब्दांत व्यक्त करू शकत नाही, अशी भावूक प्रतिक्रिया शिवराज सिंह चौहान यांनी दिली.

आणखी वाचा

विरोधी पक्षनेतेपद विरोधकांना मिळू शकते का ?

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Natasha Awhad: “भाजपाला ही निवडणूक जिंकायचीच होती, कारण…”, जितेंद्र आव्हाड यांच्या मुलीचा खळबळजनक दावा

Ravindra Waikar : रवींद्र वायकरांची खासदारकी जाणार की राहणार? मुंबई उच्च न्यायालयाने राखून ठेवला निर्णय

Rahul Narvekar : शिवसेना, राष्ट्रवादी व्हाया भाजपा, सर्वात कमी वयाचे विधानसभाध्यक्ष; राहुल नार्वेकरांची राजकीय कारकीर्द कशी आहे?

राष्ट्रवादीचे जयंत पाटील यांच्यासमोर मतदारसंघात कडवे आव्हान

Navneet Rana : “मी राजीनामा देतो, पण…”, नवनीत राणांना खासदार बळवंत वानखेडेंचं प्रतिआव्हान!

Ashok Chavan : “रेवंथ रेड्डींकडे भोकर विधानसभेची जबाबदारी दिली होती, प्रचंड पैसा…”; श्रीजया यांच्या विजयानंतर काय म्हणाले अशोक चव्हाण?

हेही वाचा : अजित पवार गटाचे उमेदवार सुनील तटकरे ८२ हजार ७८४ मतांनी विजयी; ठाकरे गटाचे अनंत गीते यांचा केला पराभव!

ते पुढे म्हणाले की, “पंतप्रधान नरेंद्र मोदी यांच्या नेतृत्वाखाली आम्ही विदिशा लोकसभा मतदारसंघाला एक आदर्श संसदीय मतदारसंघ बनवण्यासाठी प्रयत्न करणार आहोत. मध्य प्रदेशातील सर्व २९ जागा भाजपा जिंकेल, असा दावा करत एनडीए सलग तिसऱ्यांदा ३०० चा आकडा पार करेल, हाच जनतेचा पंतप्रधान नरेंद्र मोदी यांच्यावर विश्वास आहे”, असंही शिवराज सिंह चौहान यांनी म्हटलं.

दिल्लीत घडामोडींना वेग

लोकसभा निवडणुकीचा निकाल लागल्यानंतर आता लवकरच चित्र स्पष्ट होईल. मात्र, त्याआधी एकीकडे इंडिया आघाडी आणि दुसरीकडे एनडीएने हालचाली सुरू केल्या असून उद्या दिल्लीत महत्वाच्या बैठका पार पडण्याची शक्यता आहे. त्यामुळे इंडिया आघाडी आणि एनडीएच्या हालचालींकडे आता सर्वांच लक्ष लागलेलं आहे.

पंतप्रधान नरेंद्र मोदींचा मोठा विजय

पंतप्रधान नरेंद्र मोदी यांचा वाराणसी लोकसभा मतदारसंघातून मोठा विजय झाला आहे. काँग्रेसचे उमेदवार अजय राय आणि नरेंद्र मोदी यांच्यात अटीतटीची लढाई शेवटपर्यंत पाहायला मिळाली. पण अखेर पंतप्रधान नरेंद्र मोदी यांना ६ लाख १२ हजार ९७० मते मिळाली आहेत. तर अजय राय यांना ४ लाख ६० हजार ४५७ मते मिळाली आहेत. जवळपास दीड लाखांच्या फरकाने पंतप्रधान नरेंद्र मोदी विजयी झाले आहेत. तर अजय राय यांचा पराभव झाला.