“माझं काय चुकलं?”; पराभव झाल्यानंतर राजू शेट्टींची भावनिक पोस्ट; म्हणाले, “शेतकऱ्यांनो तुम्हीही…”

महाराष्ट्रातील ४८ लोकसभा मतदारसंघापैकी काही मतदारसंघात धक्कादायक निकाल लागले आहेत. काही दिग्गज नेत्यांनाही पराभवाला सामोरं जावं लागलं आहे. कोल्हापूरच्या हातकणंगले लोकसभा मतदारसंघात स्वाभिमानी शेतकरी संघटनेचे नेते राजू शेट्टी यांचा पराभव झाला. या मतदारसंघात शिवसेना शिंदे गटाचे उमेदवार धैर्यशील माने, स्वाभिमानी शेतकरी संघटनेचे राजू शेट्टी, ठाकरे गटाकडून सत्यजित पाटील सरुडकर अशी तिरंगी लढत झाली होती. या तिरंगी लढतीत धैर्यशील माने यांचा १४ हजार ७२३ मतांनी विजय झाला.

आणखी वाचा

“मन दुखावले, जिव्हारी लागले…” आमदार संजय राठोड असे का म्हणाले?

Madhuri Dixit : डर चित्रपट माधुरी दीक्षितने का…

“देवेंद्र फडणवीस मुख्यमंत्री होतात तेव्हा जातीय तणाव निर्माण करण्याचं षड्यंत्र…”- अमर साबळे

Indira Gandhi: “इंदिरा गांधींना आणीबाणीचा पश्चात्ताप होत होता”, नजमा हेपतुल्ला यांचा आत्मचरित्रात दावा; विश्वासू व्यक्तींबाबतही होती तक्रार!

सोनू निगम कार्यक्रम सोडून गेलेल्या नेत्यांवर नाराज; म्हणाला, “हा सरस्वतीचा अपमान…”

अन्वयार्थ : आत्मपरीक्षणाऐवजी बहिष्कार‘नाट्य’!

राष्ट्रवादीचे जयंत पाटील यांच्यासमोर मतदारसंघात कडवे आव्हान

Nana Patole : नाना पटोलेंचं वक्तव्य; “राहुल नार्वेकर यांचं अभिनंदन, मात्र २०८ मतांनी मी निवडून आलो म्हणून टिंगल..”

हेही वाचा : उबाठाचा मुंबईत भगवा नाही तर ‘हिरवा’ विजय; मनसेच्या नेत्याची टीका

राजू शेट्टींची भावनिक पोस्ट

स्वाभिमानी शेतकरी संघटनेचे नेते आणि माजी खासदार राजू शेट्टी यांचा मोठ्या मताधिक्याने पराभव झाला. त्यांनी पराभव झाल्यानंतर आता फेसबुकवर एक भावनिक पोस्ट शेअर करत शेतकऱ्यांना काही सवाल केले आहेत. राजू शेट्टींनी पोस्टमध्ये म्हटलं, “माझं काय चुकलं! प्रामाणिक असणं हा गुन्हा आहे का? शेतकऱ्यांनो तुम्हीही…”, असं राजू शेट्टी यांनी म्हटलं आहे. त्यांच्या या पोस्टची सध्या चर्चा रंगली आहे.

महाराष्ट्रात कोणत्या दिग्गज नेत्यांचा पराभव

महाराष्ट्रातील ४८ लोकसभा मतदारसंघापैकी काही मतदारसंघात धक्कादायक निकाल लागले आहेत. यामध्ये अनेक दिग्गज नेत्यांना पराभवाला सामोरं जावं लागलं आहे. भारतीय जनता पक्षाचे नेते रावसाहेब दानवे यांचा मोठ्या मताधिक्याने पराभव झाला आहे. त्यांच्या विरोधात असलेले काँग्रेसचे उमेदवार डॉ.कल्याण काळे यांचा विजय झाला आहे. दुसरीकडे पंकजा मुंडे यांचाही बीडमधून पराभव झाला आहे. त्यांच्या विरोधात राष्ट्रवादी शरद पवार गटाचे बजरंग बाप्पा सोनवणे हे विजयी झाले आहेत. तसेच चंद्रपूर लोकसभा मतदारसंघामध्ये भाजपाचे नेते आणि मंत्री सुधीर मुनगंटीवार यांचा पराभव झाला आहे. मुनगंटीवार यांच्या विरोधात काँग्रेसच्या प्रतिभा धानोरकर यांचा विजय झाला आहे. दरम्यान, पंतप्रधान नरेंद्र मोदी यांनी महाराष्ट्रात तब्बल १८ सभा घेतल्या होत्या. मात्र, तरीही महायुतीला फक्त १७ जागा मिळाल्या आहेत.