तानाजी सावंत यांचा अजित पवारांसमोरच मोठा इशारा; म्हणाले, "...तर आम्ही सहन करणार नाही"

शिवसेना शिंदे गटाचे नेते आणि धाराशिवचे पालकमंत्री तानाजी सावंत यांनी सभेत बोलताना उपमुख्यमंत्री अजित पवार यांच्यासमोरच नाराजी बोलून दाखवली आहे.

धाराशिवचे पालकमंत्री तानाजी सावंत (फोटो-फेसबुक)

धाराशिव लोकसभा मतदारसंघामध्ये महायुतीकडून अर्जना पाटील या लोकसभेच्या मैदानात आहेत. अर्चना पाटील यांनी आज (१९ एप्रिल) उमेदवारी अर्ज भरला. यावेळी उपमुख्यमंत्री अजित पवार यांच्यासह महायुतीचे नेते उपस्थित होते. यावेळी सभेत बोलताना शिवसेना शिंदे गटाचे नेते आणि जिल्ह्याचे पालकमंत्री तानाजी सावंत यांनी अजित पवार यांच्यासमोर जाहीर नाराजी बोलून दाखवली. धाराशिव लोकसभा मतदारसंघ महायुतीमधील राष्ट्रवादी काँग्रेस अजित पवार गटाकडे गेला आहे. यासंदर्भाने बोलताना तानाजी सावंत यांनी खंत बोलून दाखवली. “शिवसेनेचा असाच एक एक मतदारसंघ जर कमी होत राहिला तर आम्ही सहन करणार नाही”, असा इशारा तानाजी सावंत यांनी दिला.

तानाजी सावंत काय म्हणाले?

“आज येथे अजित पवार आहेत. भाजपा आमदार राणा जगजितसिंह पाटील आहेत. थोडं परखड बोलतो. धाराशिवमध्ये महायुतीचा प्रचार हा जानेवारीमध्येच सुरु झाला आहे. २६ जानेवारीपासून धनंजय सावंत यांनी प्रचाराला सुरुवात केली होती. खरे तर हा मतदार पारंपारिक पद्धतीने शिवसेनेचा आहे. मात्र, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार या महायुतीच्या नेत्यांनी धाराशिव मतदारसंघ महायुतीमधील राष्ट्रवादीला सोडण्याचा निर्णय घेतला”, असे तानाजी सावंत म्हणाले.

आणखी वाचा

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Eknath Shinde, Sangola, Shahajibapu Patil,

शहाजीबापू पाटील आमच्या टीमचे ‘धोनी’! मुख्यमंत्री एकनाथ शिंदेंनी केले कौतुक

Oppositions stole promises along with schemes criticized Eknath Shinde in Ambernath

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

Chief Minister Eknath Shinde and Deputy Chief Minister Ajit Pawar scolded Ravi Rana

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

maharashtra assembly election 2024 chief minister eknath shinde criticizes on manifesto of maha vikas aghadi

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

‘प्रमोद महाजनांच्या हत्येमागे गुप्त हेतू’; पूनम महाजन म्हणाल्या, “आता अमित शाह आणि देवेंद्र फडणवीसांना…”

हेही वाचा : पंतप्रधान मोदींचा काँग्रेसला खोचक टोला; म्हणाले, “बारशाला गेला आणि बाराव्याला…”…

पुढे ते म्हणाले, “ज्या ज्या वेळेस पुढच्या व्यासपीठावर येऊ, तेव्हा तेव्हा समोरच्याचा फडशा पाडल्याशिवाय मी स्वस्थ बसणार नाही. पण हा नंतरचा भाग आहे. त्याआधी जर असाच पद्धतीने माझ्या शिवसेनेचा एक एक मतदारसंघ कमी होत राहिला तर हा शिवसैनिक आणि मी स्वत: हे सहन करणार नाही. हे आज या ठिकाणी सांगतो. याचे कारण हा मतदारसंघ पारंपारिक शिवसेनेचा आहे. ८ वेळा शिवसेनेचा खासदार येथून निवडून गेला आहे. त्यामुळे हा माझ्या तमाम शिवसैनिकांवर अन्याय आहे. मात्र, नरेंद्र मोदी यांना पुन्हा पंतप्रधान करण्यासाठी हे दु:ख विसरुन शिवसैनिकांना विनंती आहे की, अर्चना पाटील यांना आपल्याला लीड द्यायचे आहे”, असे तानाजी सावंत म्हणाले.

First published on: 19-04-2024 at 22:13 IST

Web Title: Tanaji sawant on dcm ajit pawar mahayuti dharashiv lok sabha constituency gkt

तानाजी सावंतांचा अजित पवारांसमोरच मोठा इशारा; म्हणाले, “…तर आम्ही सहन करणार नाही”

तानाजी सावंत काय म्हणाले?