९ तारखेचा वायदा! भाजप ३०, मित्र पक्षांना १८ जागा?

राज्याच्या दौऱ्यावर आलेल्या शहा यांनी मंगळवारी रात्री शिवसेना व राष्ट्रवादीच्या ज्येष्ठ नेत्यांची बैठक घेतली. त्यानंतर बुधवारी नवी दिल्लीला रवाना होण्यापूर्वी त्यांनी पुन्हा मित्रपक्षांच्या नेत्यांशी चर्चा केली. शिवसेनेने १८ ते २० आणि राष्ट्रवादी काँग्रेसने १० ते १२ जागांची मागणी केली असली तरी शिंदे गटाकडील विद्यामान १३ खासदारांच्या जागांव्यतिरिक्त एखादीच जागा सोडण्याची भाजपची तयारी आहे. ठाकरे गटाकडे असलेल्या खासदारांपैकी रत्नागिरी-सिंधुदुर्गची जागा केंद्रीय मंत्री नारायण राणे, दक्षिण मुंबईची जागा विधानसभा अध्यक्ष अॅड. राहुल नार्वेकर आणि छत्रपती संभाजीनगरची जागा मंत्री भागवत कराड किंवा अतुल सावे यांच्यासाठी भाजपला हवी आहे. राष्ट्रवादी काँग्रेसला चार ते पाच जागा दिल्या जातील. गेल्या निवडणुकीत राष्ट्रवादीने बारामती, शिरुर, सातारा आणि रायगड या चार जागा जिंकल्या होत्या. त्यापैकी केवळ रायगडचे खासदार सुनील तटकरे अजित पवारांबरोबर आहेत. जागावाटपाचा अंतिम निर्णय भाजप पक्षश्रेष्ठी शनिवारपर्यंत घेतील. त्यासाठी शिंदे आणि पवार यांना नवी दिल्लीत बोलावले जाण्याची शक्यता आहे.

आणखी वाचा

नाराज एकनाथ शिंदेंची भाजपकडून मनधरणी, फडणवीस – शहा चर्चेनंतर मंत्रिमंडळ विस्ताराच्या हालचालींना वेग

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

भाजपविरोधी बंडखोरांना शिंदे गटाचे दार खुले? पालिकेत वर्चस्व मिळवण्यासाठी व्यूहरचना

Sanjay Shirsat : ‘मविआ’ला धक्का बसणार? “अनेकजण शिवसेना, भाजपाच्या संपर्कात”, शिंदे गटाच्या नेत्याचा मोठा दावा

विधानसभा निवडणुकीनंतर भाजपची महापालिकेची तयारी, महाविकास आघाडीची पराभूत मानसिकता मात्र कायम

मॅरेथॉन घेण्याची ताकद आहे का? राजकारण करणार्‍या भाजपला हितेंद्र ठाकूरांचा सवाल

सीरियात असादपर्वाची अखेर सत्ता उलथवण्यात बंडखोरांना यश; पंतप्रधानांची मुक्त निवडणुकांची घोषणा

शेतकरी मोर्चा एक दिवस स्थगित; शंभू सीमेवर रोखले

हेही वाचा >>>मुंबई : सदनिका लाटण्यासाठी बनावट कागदपत्रांचा वापर;,१० कोटींच्या फसवणूकीप्रकरणी १२ जणांना अटक

दरम्यान, उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे यांच्यासह सुधीर मुनगंटीवार, शेलार, (पान १२ वर)(पान १ वरून) चंद्रकांत पाटील आदी नेते बुधवारी सायंकाळी नवी दिल्लीत दाखल झाले. रात्री उशिरा केंद्रीय नेत्यांबरोबर त्यांची चर्चा झाली. येत्या ९ मार्चपर्यंत महायुतीचे जागावाटप अंतिम होईल. त्याच दिवशी रात्री भाजप संसदीय मंडळाची बैठक असून त्यानंतर भाजपकडील जागांवर उमेदवार जाहीर होण्याची शक्यता आहे.

बंडखोरीची भीती

पक्षातील नेत्यांच्या दबावामुळे आणखी जागा देण्याची विनंती एकनाथ शिंदे आणि अजित पवार यांच्याकडून अमित शहा यांना करण्यात आली आहे.विद्यामान खासदार किंवा प्रभावी नेत्यांसाठी जागा न सोडल्यास ते ठाकरे किंवा शरद पवार यांच्याकडे परतण्याची शक्यता असून त्यादृष्टीनेही रणनीती आखली जात आहे.