“माझी बॅग तुझ्याकडे देतो, फक्त त्यातले कपडे…”; उद्धव ठाकरेंनी एकनाथ शिंदेंना डिवचलं!

आज बार्शी येथे उद्धव ठाकरे यांची जाहीर सभा आयोजित करण्यात आली होती. या सभेत बोलताना त्यांनी भाजपासह महायुतीवर सडकून टीका केली. “एकनाथ शिंदे आणि देवेंद्र फडणवीस यांनी यंत्रणेला माझी बॅग तपासण्याचे आदेश दिले आहेत. त्यांनी मला ऑटोचेकींगवर टाकलं आहे. मी तर म्हणतो की मिंधेंनी रोज माझी बॅग घेऊन माझ्याबरोबर फिरावं. फक्त त्यांनी एक करावं. जसा माझा पक्ष चोरला तसं त्यांनी बॅगमधून माझे कपडे चोरू नये. शेवटी चोर तो चोर असतो, एकदा चोरीची सवय लागली, की आयुष्य चोरीतच जातं”, असा टोला त्यांनी लगावला.

नक्की वाचा

Raj Thackeray : “माझा मुलगा रुग्णालयात असताना हा माणूस विकला गेला”, राज ठाकरेंकडून सात वर्षांनी मनातली खदखद व्यक्त

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

“उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

अग्रलेख : काका… मला वाचवा!

Noida Ganja Trees : तरुणाने पॉश सोसायटीतील फ्लॅटमध्ये केली गांजाची शेती; पोलिसांनी ‘असा’ केला पर्दाफाश

Madhurima Raje : सतेज पाटील ज्यांच्यामुळे ढसाढसा रडले त्या मधुरिमा राजे कोण आहेत?

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

हेही वाचा – “उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

“बॅग तपासायला हरकत नाही, माझं मन आणि बॅग दोन्हीही स्वच्छ आहे. माझी बॅग तपासल्याबद्दल माझा आक्षेप नाही. पण प्रकारे माझी बॅग तपासली तशी एकनाथ शिंदे, देवेंद्र फडणवीस, नरेंद्र मोदी यांची तपासली जाते आहे का? मी आज त्या अधिकाऱ्यांना विचारला की त्यांनी आतापर्यंत किती जणांच्या बॅगा तपासल्या, त्यावेळी ते म्हणाले तुमचीच पहिली बॅग तपासली आहे. याचा अर्थ पहिला गिऱ्हाईक मीच होतो”, अशी प्रतिक्रियाही त्यांनी दिली.

हेही वाचा – “काँग्रेसची मानसिकता गुलामगिरीची, त्यांनी नेहमीच महाराष्ट्राचा… ”; पुण्यातील सभेतून पंतप्रधान मोदींचा हल्लाबोल!

दरम्यान, औसा येथील सभा संपल्यानंतर उद्धव ठाकरे सोलापूरच्या दिशेने जायचा निघाले होते. मात्र, पंतप्रधान मोदी सोलापूरला येत असल्याचे त्यांच्या हेलिकॉप्टरला उड्डाणाची परावनगी देण्यात आली नाही. यावरूनही उद्धव ठाकरे यांनी टीकास्र सोडलं. “मी औसावरुन इकडे यायला निघालो होतो. हेलिकॉप्टरमध्ये बसलो, पण हेलिकॉप्टर उडायला तयार नव्हते. मी कारण विचारले तर त्यांनी सांगितले की पंतप्रधान मोदी सोलापूरला येत आहेत ते पोहोचल्याशिवाय आपल्याला उड्डान करता येणार नाही. ही कुठली बेबंदशाही आहे. ही लोकशाहीची थट्टा आहे. मला जो कायदा आहे तो त्यांनाही लागू असायला पाहिजे”, असे ते म्हणाले.