Assembly Election Results 2022 : निकालांवर राहुल गांधींची पहिली प्रतिक्रिया; म्हणाले, “लोकांचा निर्णय…”

पणजी आणि तळेगाव मतदारसंघातून भाजपाचे उमेदवार अतानासिओ मोन्सेरात आणि त्यांची पत्नी जेनिफर मोन्सेरात विजयी झाले आहेत. वालपोई आणि पोरीम विधानसभा मतदारसंघातून भाजपचे विश्वजित राणे आणि त्यांच्या पत्नी देविया विश्वजित राणे विजयी झाले आहेत.

पंजाब निवडणुकीत आम आदमी पक्षाचा विजय झाल्यानंतर दिल्लीचे मुख्यमंत्री आणि आम आदमी पक्षाचे नेते अरविंद केजरीवाल यांच्यासह मनीष सिसोदिया आणि सत्येंद्र जैन यांनी दिल्लीतील हनुमान मंदिरात प्रार्थना केली.

"पंजाबमध्ये काँग्रेसची परिस्थिती चांगली होती. पण तिथे तीन चार महिन्यांमध्ये झालेल्या अंतर्गत कलहाचा स्विकार पंजाबच्या जनतेने केला नाही. कॅप्टन अमरिंदर सिंग यांना हटवून काँग्रेसची चूक झाली. दिल्लीत जे आंदोलन झालं, त्यात पंजाबचा फार मोठा भाग सहभाग होता. शेतकरी आंदोलनाचा स्पष्ट परिणाम झालेला दिसतोय. म्हणून लोकांनी भाजपा- काँग्रेसला नाकारत 'आप'ला सत्ता दिली. काँग्रेस कुठं कमी पडली, याबद्दल मी बोलणार नाही," असंही पवार म्हणाले.

कॅप्टन अमरिंदर सिंग पराभूत झाले आहेत. प्रतिक्रिया देत ते म्हणाले, "मी जनतेचा निर्णय नम्रतेने स्वीकारतो. पंजाबींनी सांप्रदायिक आणि जातीय रेषेच्या वर उठून आणि मतदान करून पंजाबीयतेचा खरा आत्मा दाखवला आहे."

"गोव्यात 'आप'ने दोन जागा जिंकल्या. कॅप्टन वेंझी आणि एर क्रूझ यांचे अभिनंदन आणि शुभेच्छा. गोव्यातील प्रामाणिक राजकारणाची ही सुरुवात आहे," अशी प्रतिक्रिया गोवा निकालांवर अरविंद केजरीवाल यांनी दिली आहे.

"लोकांचा आवाज हा देवाचा आवाज आहे.... पंजाबच्या जनतेचा जनादेश नम्रपणे स्वीकारा.... 'आप'चे अभिनंदन!!!", असं सिद्धूंनी म्हटलंय

लालकुवामध्ये काँग्रेसचे ज्येष्ठ नेते आणि माजी मुख्यमंत्री हरीश रावत १० हजार मतांनी पिछाडीवर आहेत.

पणजी मतदार संघातून अपक्ष उमेदवार उत्पल पर्रिकर ७०० मतांनी पिछाडीवर आहेत. आपण भाजपाला चांगली टक्कर देत असून निकालांवर लक्ष ठेवून आहे, अशी प्रतिक्रिया उत्पल पर्रिकर यांनी दिली.

"पंजाबमध्ये काँग्रेस सरकार स्थापन करेल अशी आम्हाला अपेक्षा होती, पण आम्हाला अपेक्षित संख्याबळ मिळाले नाही. त्याबद्दल आत्मपरीक्षण करायला हवे. गोव्यात काँग्रेस १६-१७ जागांवर आघाडीवर आहे, तो सर्वात मोठा पक्ष असेल आणि संख्याबळ पुरेसं नसेल तर आम्ही दुसऱ्या पक्षांचा पाठिंबा घेऊ," अशी प्रतिक्रिया काँग्रेस नेते सतेज पाटील यांनी दिली.