विश्लेषण : मद्यप्राशनाची सवय सर्वात धोकादायक का आहे? जाणून घ्या

हेही वाचा >> विश्लेषण: काय आहे गोधन न्याय योजना ?

आणखी वाचा

तुमच्या आहारातील हळद विषारी आहे का? संशोधनात हळदीत आढळून आली ‘या’ हानिकारक धातूची भेसळ

Nana Patole : निकालाआधी राजकीय घडामोडींना वेग; यातच…

शाहरुख खानने वयाच्या ५९ व्या वर्षी सोडले धूम्रपान; जाणून घ्या धूम्रपान सोडण्याचे फायदे

दारूच्या नशेत पोलिसांचे लज्जास्पद कृत्य, रस्त्याच्या मधोमध पँटची चेन उघडली अन्…; घटनेचा VIDEO व्हायरल

मुंबईत चार मतदारसंघ प्रदूषित; भायखळा, शिवडी, देवनार, मानखुर्दच्या समस्येकडे सर्वपक्षिय दुर्लक्ष

स्वभाव, विभाव: भीती आणि न्यूनगंडाचा फास

हवा प्रदूषणात उरण देशात तिसऱ्या क्रमांकावर, शहरातील नागरिकांना सर्दीखोकला तसेच श्वसनाचा त्रास

साडी नेसणार्‍या महिलांना ‘पेटिकोट कॅन्सर’चा धोका? हा प्रकार काय आहे? अभ्यास काय सांगतो?

ब्रिटनच्या इंडिपेंडन्ट सायंटिफिक कमिटी ऑन ड्रग्ज (ISCD) आणि ब्रिटीश सरकारचे माजी मुख्य औषध सल्लागार डेव्हिड नट यांच्यासह शास्त्रज्ञांच्या एका गटाने २०१० साली एकूण २० मादक पदार्थावर अभ्यास केला होता. या पदार्थांचे सेवन केल्यानंतर शरीरावर काय परिणाम होतात, हे या अभ्यासात तपासण्यात आले. अभ्यासानंतर मद्य म्हणजेच दारू ही सर्वात हानिकारक असल्याचे या अभ्यास गटाने सांगितले होते. दारूनंतर हेरॉईन आणि क्रॅक कोकेन दुसऱ्या आणि तिसऱ्या क्रमांकावर हानिकारक असल्याचेही या अभ्यासात सांगण्यात आले होते.

हेही वाचा >> विश्लेषण: महाराष्ट्रानंतर झारखंड ?

बंगळुरू येथील फोर्टिस हॉस्पिटलमधील मानसोपचारतज्ज्ञ डॉ. व्यंकटेश बाबू यांनी मद्यप्राशनामुळे होणाऱ्या दुष्परिणामांवर अधिक माहिती दिली आहे. अल्कोहोल म्हणजेच दारूला शरीरावर सर्वाधिक परिणाम करणारे द्रव्य म्हणून पाहिले जाऊ शकते. कारण अल्कोहोलमुळे हृदय, मेंदूशी संबंधित आजार होऊ शकतात. तसेच दारू मधूमेहासही कारणीभूत ठरू शकते. दारूचे व्यापक, दीर्घकालीन सेवन केल्यामुळे शरीरावर त्याचे गंभीर परिणाम होऊ शकतात, असे मत डॉ. व्यंकटेश बाबू यांनी नोंदवले आहे.

हेही वाचा >> विश्लेषण : देशात किती खटले प्रलंबित? सर्वोच्च, उच्च न्यायालयात महिला न्यायाधीशांची संख्या किती? जाणून घ्या सविस्तर

मद्यसेवनामुळे शारीरिक त्रास होतो. एखाद्या व्यक्तीने मद्यसेवन केल्यामुळे इतर व्यक्तींच्या मानसिकतेवरही त्याचा परिणाम होतो. मद्यसेवनामुळे झोप न गालणे, तणाव, नैराश्य, पॅनिक अटॅक अशा समस्या निर्माण होऊ शकतात, असेदेखील डॉ. बाबू यांनी सांगितले.

हेही वाचा >> विश्लेषण : सक्तवसुली संचालनालय आता मोकाट?

नॅशनल हेल्थ पोर्टल ऑफ इंडिया नुसार भारतात मद्यपान करणाऱ्यांचे प्रमाण बरेच आहे. या पोर्टलवर जारी करण्यात आलेल्या आकडेवारीनुसार ग्रामीण आणि शहरी अशा दोन्ही भागात मद्यप्राशन करणाऱ्यांचे प्रमाण २३ ते ७४ टक्क्यांपर्यंत आहे. तस हे प्रमाण महिलांमध्ये २४ ते ४८ टक्क्यांपर्यंत आहे. जगातिक पातळीवर विचार करायचे झाल्यास ३ दसलक्ष मृत्यू हे मद्याच्या हानिकारक वापरामुळे होतात. तर ०.५ दसलक्ष मृत्यू हे ड्रग्समुळे होतात.

हेही वाचा >> विश्लेषण : चीनच्या रॉकेटचे तुकडे पुन्हा पृथ्वीवर कोसळले, अनियंत्रित अवकाश कचऱ्याचा धोका वाढत आहे

मद्य तसेच मादक द्रव्यांचा शरीरावर काय परिणाम होतो?

“मद्यामुळे यकृताचे आजार होण्याची शक्यता असते. मद्यामुळे यकृतामधील चरबीचे प्रमाण वाढते. तसेच मायटोकॉन्ड्रियाला हानी पोहोचते,” असे द्वारका येथील आकाश हेल्थकेअरमधील गॅस्ट्रोएन्टेरोलॉजी हेपॅटोलॉजी आणि थेरप्यूटिक एंडोस्कोपी विभागाच्या प्रमुख डॉ. शरद मल्होत्रा यांनी सांगितले. तर ड्रग्सच्या सेवनाबाबत बोलायचे झाल्यास कोकेन, हिरॉईन यासारखे ड्रग्ज थेट रक्तप्रवाहात मिसळतात. ड्रग्समुळे यकृताला इजा होते, हेपेटायटीस बी, सी आणि एचआयव्ही सारख्या रोगांनादेखील निमंत्रण दिले जाते.

हेही वाचा >> विश्लेषण : राष्ट्रपती की राष्ट्रपत्नी? राष्ट्रपतींना नेमके कसे संबोधित करावे?

डॉ. बन्सल यांनी ड्रग्स आणि मद्यसेवनामुळे मानसिक आरोग्यावर कसे परिणाम होतात, यावर प्रकाश टाकला आहे. “दारू आणि ड्रग्सच्या अतिसेवनामुळे मेंदू तसेच न्यूरोलॉजिकल मार्गावर परिणाम होतो. यामुळे स्मरणशक्ती कमी होणे, भ्रम निर्माण होणे, स्मृतीभंश, वागण्या-बोलण्यात बदल होणे,” या समस्या उद्भवू शकतात.