विश्लेषण : म्हाडा सोडतीत बदल? आता तपासली जाणार अर्जदारांची पात्रता!

सर्वसामान्यांना परवडणाऱ्या दरात घरे देण्याच्या उद्देशाने म्हाडा प्राधिकरणाची स्थापना करण्यात आली आहे. म्हाडाच्या मालकीच्या जागेवर घरे बांधून सोडत प्रक्रियेद्वारे घरांचे वितरण केले जाते. आधी चिठ्ठ्यांच्या माध्यमातून सोडत काढण्यात येत असे पुढे त्यात बदल होऊन ऑनलाइन पद्धती आली. सोडत आणि सोडतीनंतरच्या प्रक्रियेत मानवी हस्तक्षेप होत असून म्हाडा आणि दलालांच्या संगनमताने भ्रष्टाचार होत असल्याचा आरोप होत आहे. या पार्श्वभूमीवर म्हाडाच्या मुंबई मंडळाने सोडतीची संपूर्ण प्रक्रिया बदलली असून सोडतपूर्व, सोडतीनंतरची प्रक्रिया ऑनलाइन करण्यात येणार आहे. पारपत्र काढताना जशी पात्रता तपासली जाते तशीच सोडतीपूर्वीच अर्जदारांची पात्रता निश्चिती होणार आहे. हे बदल नेमके काय आहेत, यापुढे सोडत कशी काढली जाणार याचा आढावा…