विश्लेषण : इलॉन मस्क बनला डोनाल्ड ट्रम्प यांचा प्रचारक… ‘लाडक्या मतदारां’ना देतोय १० लाख डॉलर!

योजना नक्की काय?

ही योजना इलॉन मस्कने सात मोक्याच्या राज्यांमध्ये २० ऑक्टोबरपासून सुरू केली. पेनसिल्वेनिया, मिशिगन, व्हिस्कॉन्सिन, नॉर्थ कॅरोलिना, जॉर्जिया, अॅरिझोना आणि नेवाडा ही सात राज्ये आगामी अध्यक्षपद निवडणुकीसाठी अत्यंत महत्त्वाची मानली जातात. या राज्यांतील मतदारांचा कल हा डोनाल्ड ट्रम्प आणि कमला हॅरिस यांच्या जय-पराजयासाठी निर्णायक ठरणार आहे. ट्रम्प यांचा चाहता असलेल्या आणि त्यांच्या प्रचारासाठी थैली रिती करणाऱ्या इलॉन मस्कने येथील मतदारांसाठी एक योजना सुरू केली आहे. याअंतर्गत केवळ नोंदणीकृत मतदारांनी पुढे येऊन एका निवेदनावर स्वाक्षरी करायची आहे. या निवेदनामध्ये अमेरिकेच्या घटनेतील अनुच्छेद – १ (अभिव्यक्तिस्वातंत्र्य) आणि अनुच्छेद – २ (बंदूक/पिस्तूल बाळगण्याचे स्वातंत्र्य) यांना पाठिंबा देत असल्याचा साधा उल्लेख आहे. स्वाक्षरी करणाऱ्यांना लॉटरीचे तिकिट दिले जाते. त्याची सोडत दररोज काढली जाते. विजेत्याला १० लाख डॉलरचे घसघशीत बक्षीस मिळते. योजनेमध्ये विशिष्ट पक्षाचा उल्लेख नाही, पण बंदूकस्वातंत्र्याचा मुद्दा हा प्राधान्याने उजव्या विचारसरणीच्या म्हणजे रिपब्लिकन मतदारांच्या विशेष जिव्हाळ्याचा आहे. त्यामुळे मस्कवर मतांचा सौदा केल्याचा आरोप होत आहे. मोक्याच्या राज्यांतील रिपब्लिकन समर्थकांनी मतदानासाठी नोंदणी करावी आणि मतदान करावे यासाठीच मस्कने ही योजना आणल्याचे सांगितले जाते.

आणखी वाचा

मुद्रा लोनच्या नावाखाली सातशे महिलांना २५ लाखांस गंडविले, सोलापुरात भामट्या महिलेविरुद्ध गुन्हा दाखल

24 October Horoscope : गुरुपुष्यामृत योग कोणत्या राशींसाठी…

‘सॅटकॉम’साठी स्पेक्ट्रम वाटपाच्या सरकारच्या भूमिकेने अंबानींविरोधात मस्क यांना झुकते माप

गुन्हे शाखेतील पोलीस निरीक्षक श्रीहरी बहिरट यांच्यासह दोघे निलंबित, अटक न करण्यासाठी पाच लाखांची लाच

‘रेमिटन्स’ प्रक्रिया गतिमान, किफायती बनावी; रिझर्व्ह बँकेचे गव्हर्नर शक्तिकांत दास यांची भूमिका

‘सेबी’च्या अध्यक्षा माधवी पुरी बुच यांना संसदेच्या लोकलेखा समितीचे समन्स; हिंडेनबर्गच्या आरोपांची चौकशी होणार?

प्रकल्प कंत्राटदार आधीच ठरतो मग, कंत्राट काढले जाते; राष्ट्रवादी (शरद पवार गट) चे नेते जितेंद्र आव्हाड यांचा आरोप

Success Story : एक मोठी जबाबदारी अन् गृहकर्जाच्या जोखमीचं मूल्यांकन करण्यासाठी तयार केलं नवं मॉडेल; वाचा हर्षिता यांची प्रेरणादायी कहाणी

हेही वाचा >>> विश्लेषण : ‘बैजूज’पुढील अडचणींत वाढ?

अमेरिकेच्या न्याय विभागाचा आक्षेप

इलॉन मस्क याच्या या अजब योजनेवर अमेरिकेच्या न्याय विभागाने आक्षेप घेतला आहे. या प्रकाराची चौकशी सुरू करावी लागेल, असेही या विभागाने म्हटले आहे. अमेरिकेच्या निवडणूक कायद्यानुसार, मतांच्या बदल्यात रोख रक्कम, क्रिप्टो चलन किंवा लॉटरी तिकिटे वाटणे अवैध आहे. पण थेट मतांसाठी पैसेवाटप केले नाही असे मस्क सांगू शकतो. शिवाय निव्वळ निवेदनावर स्वाक्षरी केल्यास आणि अमेरिकेच्या घटनेतील दोन अनुच्छेदांना समर्थन दिल्यास बिघडले कुठे, असे एखादे न्यायालय विचारू शकते. शिवाय कोणतीही न्यायिक प्रक्रिया सुरू होऊन पूर्णत्वास जाण्यास कितीही काळ लागू शकतो. हे ओळखूनच मस्क यांनी ही योजना आणली.

ट्रम्प यांचा खंदा समर्थक

डोनाल्ड ट्रम्प यांच्यासाठी इलॉन मस्क पूर्ण ताकदीनिशी प्रचारात उतरला आहे. त्याच्या २० कोटींहून अधिक ‘एक्स’ फॉलोअर्सकडे ट्रम्प यांची भलामण करणारे लघुसंदेश तो पाठवतो. या माध्यमातून डेमोक्रॅटिक पक्ष आणि कमला हॅरिस यांच्या अपप्रचारासही तो उत्तेजन देतो. त्याने पीएसी (पोलिटिकल अॅक्शन कमिटी) ही संघटना स्थापन केली असून, तिच्यासाठी काही कोटी डॉलर खर्च केले आहेत. ही रक्कम साडेसात कोटी डॉलरच्या आसपास असल्याचे ‘रॉयटर्स’ने म्हटले आहे. ट्रम्प यांच्याप्रमाणेच मस्कही बेकायदा स्थलांतरितांबाबत अतिरंजित आणि अवास्तव दावे करतो. निवडणूक यंत्रणेत भ्रष्टाचार असल्याचा आरोप करतो.

हेही वाचा >>> ‘या’ देशाने सुरक्षित प्रवासासाठी रेल्वेगाडीत बसवल्या चाकू प्रतिरोधक छत्र्या; कारण काय?

मस्कला बदल्यात काय मिळणार?

डोनाल्ड ट्रम्प यांनी निवडून आल्यास इलॉन मस्कला कार्यक्षमता विभागाचा (एफिशियन्सी डिपार्टमेंट) प्रभारी करणार असल्याचे जाहीर केले आहे. मस्क याच्या काही कंपन्यांकडे लाखो डॉलरची सरकारी कंत्राटे आहेत. पण त्यांवर बरेच निर्बंध आणि नियमांच्या चौकटी असतात. ही लालफीतशाही आपण मोडून काढू, अशी गर्जना मस्कने केली आहे. मिशिगनमधील ईव्ही मोटार उद्योगाला मध्यंतरी ट्रम्प यांनी इशारा दिला होता. पारंपरिक इंधनांवरील वाहनांचे ट्रम्प खंदे समर्थक आहेत. पण इलॉन मस्क याच्या टेस्लाला त्यांच्याकडून अभय मिळेल, शिवाय या क्षेत्रात त्याचीच मक्तेदारी राहील, असाही त्याचा हिशोब आहे.