विश्लेषण : पतधोरणापूर्वीच बँकांकडून कर्जे महाग; ‘ईएमआय’ किती वाढणार?

रिझर्व्ह बँकेने चालू महिन्यात ८ एप्रिलला जाहीर केलेल्या द्विमासिक पतधोरण आढावा बैठकीत सलग अकराव्यांदा रेपो दर ४ टक्क्यांच्या अल्पतम पातळीवर कायम ठेवला आहे. तरी रशिया-युक्रेन युद्धामुळे जगभरातील भू-राजकीय अनिश्चितता आणि त्या परिणामी खनिज तेलाच्या किंमतवाढीचा भडका पाहता आगामी काळात रोख महागाई नियंत्रणाकडे राहील, अशा भूमिका बदलाचे रिझर्व्ह बँकेने स्पष्ट संकेत दिले आहेत. मात्र याचे पडसाद बँकिंग वर्तुळात उमटूही लागले असून, सार्वजनिक क्षेत्रातील बँक ऑफ बडोदा आणि त्या पाठोपाठ स्टेट बँकेने कर्जाच्या व्याजदरात वाढ केली आहे.