विश्लेषण: एलन मस्क यांना रोखण्यासाठी ट्विटरचं Poison Pill धोरण; पण नेमका याचा अर्थ काय?

संचालक मंडळाच्या या धोरणामुळे एलन मस्क यांना कंपनी टेकओव्हर करताना आव्हानांचा सामना करावा लागेल. संचालक मंडळाच्या या निर्णयामुळे एलन मस्क यांना मोठा झटका बसला असल्याचं बोललं जात आहे. सध्या जगभरात याची चर्चा सुरु आहे. यानिमित्ताने हे पॉयजन पिल नेमकं काय आहे तसंच संचालक मंडळ आणि एलन मस्क यांच्यातील संघर्षाची स्थिती अशा अनेक प्रश्नांची उत्तरं यानिमित्ताने आपण जाणून घेणार आहोत.

आणखी वाचा

कंबरदुखीपासून सुटका मिळवण्यासाठी डँडेलियन चहा खरंच फायदेशीर आहे का? वाचा, तज्ज्ञांचे मत…

Nana Patole : निकालाआधी राजकीय घडामोडींना वेग; यातच…

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

“शरद पवारांचं आयुष्य भूमिका बदलण्यात गेलं”, राज ठाकरेंची सडकून टीका; रिफायनरीच्या मुद्द्यावरून उद्धव ठाकरेंनाही केलं लक्ष्य, म्हणाले…

उद्धव ठाकरेंची बॅग तपासण्याच्या मुद्द्यावरून सुषमा अंधारे चांगल्याच संतापल्या; म्हणाल्या, “जर तुम्ही…”

“इम्रान खान माझे मित्र, लवकरच त्यांना तुरुंगातून बाहेर काढेन”; डोनाल्ड ट्रम्प यांचे आश्वासन? VIDEO खरा की खोटा

बाजाराचा तंत्र-कल : शेअर बाजाराला बाळसं की सूज?

काय आहे पॉयजन पिल?

पॉयजन पिल हे एक असं धोरण आहे ज्याचा वापर एखादी व्यक्ती जबरदस्ती कंपनी ताब्यात घेण्याचा प्रयत्न करत असेल तर अवलंबलं जातं. ट्विटरच्या प्रकरणातही असंच होत आहे. या धोरणामुळे त्या संबंधित व्यक्तीला कंपनी ताब्यात घेताना अनेक आव्हानांचा सामना करावा लागतो. ज्याप्रमाणे कंपनी काही सूट देत इतरांना कंपनीचे अतिरिक्त शेअर्स खरेदी करण्याची परवानगी देतं. असं केल्याने टेकओव्हर करणाऱ्याच्या शेअर्सच्या किंमती कमी होतात. अशाप्रकारे कंपनी संपादित करण्याच्या मूल्यात वाढत होते. म्हणजेच संपादन करणं अजून महाग होतं.

पॉयजन पिलचा वापर आपातकालीन स्थितीत केला जातो. हे धोरण अवलंबताना संचालक मंडळ आपल्याकडील विशेष अधिकारांचा वापर करतं आणि टेकओव्हर करणाऱ्याच्या अडचणींमध्ये वाढ होते.

१९८० मध्ये जबरदस्तीनं संपादन रोखण्यासाठी या धोरणाचा सर्वाधिक वापर अमेरिकेत करण्यात आला होता. त्यावेळी उद्योगपती कंपन्यांचे शेअर्र बाजारातून खरेदी करत जबरदस्तीने संपादन करण्याचा प्रयत्न करत होते. अशामध्ये पॉयजन पिलच्या धोरणाचा वापर करत कंपन्यांना उद्यागपतींचे प्रयत्न फोल ठरवले होते.

ट्विटर विरुद्ध मस्क – कुठे आणि कशापद्दतीने सुरु झाली वादाला सुरुवात?

कंपनीच्या संचालक मंडळाचं म्हणणं आहे की, ट्वीटर विकत घेण्यासाठी जी किंमत सांगण्यात आली आहे ती पुरेशी नाही. तर एलन नमस्क यांनी जी किंमत सांगण्यात आली आहे त्यापेक्षा जास्त किंमतीवर चर्चा करण्यास नकार दिला आहे. संचालक मंडळाची भूमिका पाहता एलन मस्क यांनी कंपनी खरेदी करण्यासाठी कंबर कसली आहे. ट्विटर विकत घेण्यासाठी ते सर्व पर्याय अवलंबून पाहणार आहेत. त्यामुळेच बोर्डाने पॉयजन पिल धोरण अवलंबलं आहे.

आता एलन मस्क काय करणार?

संचालक मंडळाने घेतलेल्या या भूमिकेनंतर एलन मस्क यांनी कोणतंही अधिकृत वक्तव्य केलेलं नाही. मात्र त्यांनी आधीच आपण कायदेशीर लढाईसाठी तयार असल्याचं स्पष्ट केलं आहे. मस्क यांच्या म्हणण्यानुसार, जर संचालक मंडळ भागधारकांविरोधात काही पाऊल उचललं तर ते कायदेशीर लढाईसाठी तयार आहेत.