एमआय, रेडमी आणि पोक्को या ब्रँड नावाने भारतात मोबाईल फोन विकणारी शाओमी इंडिया सध्या वादाच्या भोवऱ्यात सापडली आहे. या चिनी कंपनीचे वादांशी संबंध काही नवीन नाही. अरुणाचल प्रदेशचा भाग ऑक्टोबर २०२२ मध्ये शाओमीच्या हवामानविषयक अॅपवरून काढून टाकण्यात आला होता. त्यावेळी सोशल मीडियावर बॉयकॉट शाओमी ट्रेंड सुरु होता. गलवान हिंसाचारानंतरही शाओमीवर बहिष्कार टाकण्याचा ट्रेंड होता. यानंतर शाओमीवर करचुकवेगिरीचा आरोप झाला होता. या वर्षी जानेवारीमध्ये शाओमीवर ६५३ कोटी रुपयांच्या आयात शुल्क चुकवल्याचा आरोप करण्यात आला होता. यानंतर, ईडीने फेब्रुवारीमध्ये बेकायदेशीर पैसे पाठविण्याशी संबंधित तपास सुरू केला. कंपनी रॉयल्टीच्या नावाखाली भारतातून चीनला पैसे पाठवत असल्याचा आरोप करण्यात आला होता. ज्या कंपन्यांकडून शाओमीने कोणतीही सेवा घेतली नाही त्यांना हे पैसे पाठवले जात होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
