विश्लेषण : युरोपमुळे का नष्ट होत आहेत जगभरातील बेडूक?

-दत्ता जाधव
संपूर्ण युरोपात बेडकांचे पाय चवीने खाल्ले जात असल्यामुळे बेडकांच्या पायांना मोठी मागणी आहे. युरोपीयन लोकांच्या जिभेचे चोचले पुरविण्यासाठी जगभरातून बेडकांच्या पायांची आयात केली जात आहे. परिणामी जगभरातील बेडकांच्या अनेक प्रजाती नामशेष होण्याच्या मार्गावर आहेत. या बाबतचा अहवाल ‘डेडली डिश’ या नावाने जर्मनीच्या ‘प्रो-वाइल्ड लाइफ’ आणि फ्रान्सच्या ‘रॉबिन डेस बोइस’ या दोन पर्यावरणवादी संस्थांनी संयुक्तपणे नुकताच प्रकाशित केला आहे.