डीपफेक तंत्राचा राजकीय क्षेत्रावर परिणाम काय? चुकीची माहिती कशी ओळखाल? जाणून घ्या…

काळानुसार कृत्रिम बुद्धीमत्ता (एआय) तंत्रज्ञानात बरेच बदल होत आहेत. आज आपण रोज अनेक ऑडिओ आणि व्हिडीओ असे पाहतो, ज्यात किती तथ्यता आहे, हे आपल्यालाच माहिती नसते. आजच्या काळात एखाद्या व्यक्तीची बनावट (डीपफेक) व्हिडीओ किंवा ऑडिओ क्लीप तयार करणे फार सोपे झाले आहे. सध्या निवडणुकीचा काळ आहे. डीपफेकचे हे तंत्रज्ञान याआधी राजकीय क्षेत्रातही वापरले गेले आहे. या तंत्रज्ञानातील प्रगती पाहून या निवडणुकीच्या काळात एखाद्या नेत्याच्या नावे बनावट ऑडिओ किंवा व्हिडीओ समाजमाध्यमांत पसरवला जाण्याची शक्यता आहे. डीपफेकचे तंत्रज्ञान वापरून नेत्याच्या नावाने चुकीची माहिती पसरवली जाऊ शकते. याच पार्श्वभूमीवर एखाद्या नेत्याच्या नावाचा बनावट व्हिडीओ किंवा ऑडिओ कसा ओळखावा? आपण जागरूक कसे राहवे? हे जाणून घेऊ या…