समुद्राच्या पाण्यावरून अगदी कमी उंचीवरून मार्गक्रमण करत एका लहान जहाजाचा अचूकतेने वेध घेणाऱ्या स्वदेशी बनावटीच्या जहाजविरोधी क्षेपणास्त्राची (एनएएसएम-एसआर) चाचणी यशस्वी झाली. राष्ट्रीय संरक्षण संशोधन व विकास संस्था (डीआरडीओ) आणि भारतीय नौदल यांनी हे नाविन्यपूर्ण क्षेपणास्त्र विकसित केले आहे. या चाचणीने हवेतून पुन्हा लक्ष्यावर मारा केंद्रित करण्याची क्षमताही प्राप्त झाली. लक्ष्यभेदात अचूकता कुठल्याही क्षेपणास्त्राची काही वैशिष्ट्ये असतात. ब्राम्होससारखी क्षेपणास्त्रे ‘डागा अन् विसरून जा’ या तत्त्वावर काम करतात. तर काही क्षेपणास्त्रात उड्डाणादरम्यान हस्तक्षेप करून मानवी नियंत्रण राखता येते. म्हणजे शोधलेल्या लक्ष्याचे निरीक्षण करून अचूक माऱ्यासाठी बदल करता येतात. जहाजविरोधी क्षेपणास्त्र (एनएएसएम-एसआर) हे या प्रकारातील आहे. चाचणीतून त्याचे हे वैशिष्ट्य सिद्ध झाले. भारतीय नौदलाच्या सी – किंग हेलिकॉप्टरमधून ते डागण्यात आले होते. लक्ष्य म्हणून निश्चित केलेल्या लहान जहाजाचा त्याने थेट व अचूक वेध घेतला. उड्डाणादरम्यान मानवी नियंत्रणाची ही चाचणी एकमेवद्वितीय ठरली. त्यामुळे हवेतून पुन्हा लक्ष्यावर मारा केंद्रित करण्याची क्षमता प्राप्त झाल्याचे संरक्षणमंत्री राजनाथ सिंह यांनी म्हटले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
