२०२४ च्या लोकसभा निवडणुकीचे निकाल मंगळवारी (४ जून) लागले. या अठराव्या लोकसभेमध्ये ७४ महिला खासदार निवडल्या गेल्या आहेत. २०१९ च्या लोकसभेमध्ये ७८ महिला खासदारांची निवड झाली होती. त्यामुळे आधीच्या लोकसभेशी तुलना करता, महिला खासदारांची संख्या चारने घटली आहे. १९५२ साली झालेल्या पहिल्या लोकसभेच्या निवडणुकीमध्ये फक्त २२ महिला खासदारांची निवड झाली होती. त्या तुलनेत ही संख्या वधारली असली तरीही भारतासारख्या लोकशाही देशामध्ये महिलांचे संसदेतील प्रमाण इतके कमी असणे प्रतिनिधित्वाच्या दृष्टिकोनातून चिंताजनक मानले जाते. कारण- एकूण ५४३ सदस्य संख्या असलेल्या लोकसभेमध्ये निवडून आलेल्या महिलांची संख्या ७४ म्हणजे १३.६३ टक्के होते. मतदारसंघांची पुनर्रचना झाल्यानंतर महिलांसाठी ३३ टक्के जागा राखीव ठेवण्यात येणार आहेत. ते लक्षात घेता, आताची महिला सदस्यसंख्या निश्चितच फार कमी आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
