विश्लेषण : शिवसेनेच्या ठाकरे आणि शिंदे गटात ज्यावरून संघर्ष सुरू आहे त्या धनुष्यबाणाचा इतिहास काय?

सध्या हिंदुत्व, भगवा आणि धनुष्यबाणाचा ज्याप्रमाणे वेगळा न करता येणारा संबंध तयार झालाय त्यावरून अनेकांना विश्वास बसणार नाही, मात्र, धनुष्यबाण हे चिन्ह शिवसेनेने मागणी करून घेतलं नव्हतं, तर ते निवडणूक आयोगाने शिवसेनेला दिलं होतं. त्यानंतर शिवसेना प्रमुख बाळासाहेब ठाकरे यांनाही ते आवडलं आणि पुढे ते शिवसेनेच्या ओळखीसोबत जोडलं गेलं.

आणखी वाचा

नाराज एकनाथ शिंदेंची भाजपकडून मनधरणी, फडणवीस – शहा चर्चेनंतर मंत्रिमंडळ विस्ताराच्या हालचालींना वेग

Chastity Belt: योनी शुचिता पट्ट्याचा इतिहास आणि त्यामागील…

Eknath Shinde : शिंदे गटाची महत्त्वपूर्ण बैठक संपल्यानंतर एकनाथ शिंदेंची पहिली प्रतिक्रिया, म्हणाले…

गडचिरोली : अबुझमाडमध्ये जवान व नक्षल्यांमध्ये जोरदार चकमक;  सात नक्षल्यांना कंठस्नान

भाजपविरोधी बंडखोरांना शिंदे गटाचे दार खुले? पालिकेत वर्चस्व मिळवण्यासाठी व्यूहरचना

Sanjay Shirsat : ‘मविआ’ला धक्का बसणार? “अनेकजण शिवसेना, भाजपाच्या संपर्कात”, शिंदे गटाच्या नेत्याचा मोठा दावा

सतीश वाघ हत्या प्रकरण : आरोपींच्या शोधासाठी पुणे पोलिसांची १६ पथके रवाना

Eknath Shinde : “कर्नाटक सरकारचा दडपशाहीचा प्रयत्न”, उपमुख्यमंत्री एकनाथ शिंदेंनी सुनावलं

अग्रलेख : ‘संघटना’ राहिल्याची शिक्षा!

शिवसेनेची स्थापना १९ जून १९६६ रोजी मुंबईतील मराठी माणसांच्या मुद्द्यावर झाली. त्यामुळे शिवसेना स्थापन झाली तेव्हा त्यांचं स्वरुप केवळ एका साध्या संघटनेचं होतं. संघटना म्हणून शिवसेनेने अनेक आंदोलनं केली आणि त्याचमुळे अल्पावधीत शिवसेनेचा नावलौकिक झाला. यानंतर पुढच्याच वर्षी शिवसेनेने राजकारणात उडी घेतली.

१९८८ मध्ये निवडणूक आयोगाने सर्वच राजकीय पक्षांची अधिकृत नोंदणी करण्यास सुरुवात केली. त्यासाठी सर्व राजकीय पक्षांकडून नोंदणी आणि पक्षचिन्हाचे प्रस्ताव मागण्यात आले. यावेळी शिवसेनेने संघटनेची नोंदणी करताना आपली घटनाही दिली. यानंतर निवडणूक आयोगाने शिवसेना संघटनेला राजकीय पक्ष म्हणून मान्यता दिली आणि १९८९ मध्ये शिवसेना राजकीय पक्ष झाला. मात्र, पक्षचिन्ह दिलं नाही. याचं प्रमुख कारण होतं की कोणत्याही पक्षाला पक्षचिन्ह हवं असेल तर मागील निवडणुकीत किमान जितकी मतं हवी तेवढी शिवसेनेला मिळाली नव्हती.

विश्लेषण : शिवसेनेचं ‘धनुष्यबाण’ चिन्ह निवडणूक आयोगानं का गोठवलं?

यानंतर काही महिन्यांमध्येच झालेल्या निवडणुकीत शिवसेना आणि भाजपाने युती केली. या निवडणुकीत शिवसेनेला लोकसभेच्या चार जागांवर विजय मिळाला आणि चार खासदार निवडून आले. यानंतर शिवसेनेने पुन्हा पक्षचिन्हासाठी अर्ज केला आणि निवडणूक आयोगाने शिवसेनेला धनुष्यबाण चिन्ह दिलं.

“जमलेल्या माझ्या तमाम हिंदू बांधवांनो आणि भगिनींनो…”, एकनाथ शिंदेंनंतर उद्धव ठाकरेंच्या दसरा मेळाव्याचा टीझर

जेव्हा बाळासाहेब ठाकरे यांना जेव्हा धनुष्यबाण पक्षचिन्ह मिळाल्याचं समजलं तेव्हा त्यांनाही ते आवडलं आणि त्यापुढे धनुष्यबाण शिवसेनेचं अधिकृत पक्षचिन्ह झालं. तेव्हापासून आजपर्यंत शिवसेना धनुष्यबाण या चिन्हावरच निवडणुका लढवत आहे.