पुरुषांच्या अंडकोषानंतर आता लिंगातही आढळले प्लास्टिक; इरेक्टाईल डिसफंक्शनचा धोका वाढला का?

मायक्रोप्लास्टिक्स म्हणजेच प्लास्टिकचे बारीक कण, विविध माध्यमातून आपल्या शरीराच्या आत शिरतात, असे तज्ज्ञांचे सांगणे आहे. अनेक संशोधनातून मायक्रोप्लास्टिक्सविषयी धक्कादायक माहिती समोर आली आहे.

शास्त्रज्ञांना प्रथमच मानवी लिंगाच्या ऊतीमध्ये मायक्रोप्लास्टिक आढळले आहे. (छायाचित्र-फायनान्शियल एक्सप्रेस)

Microplastics in Penise मायक्रोप्लास्टिक्स म्हणजेच प्लास्टिकचे बारीक कण, विविध माध्यमातून आपल्या शरीराच्या आत शिरतात, असे तज्ज्ञांचे सांगणे आहे. अनेक संशोधनातून मायक्रोप्लास्टिक्सविषयी धक्कादायक माहिती समोर आली आहे. ‘टॉक्सिकोलॉजिकल सायन्सेस’ या जर्नलमध्ये प्रकाशित झालेल्या एका अभ्यासात पुरुषांच्या अंडकोषात प्लास्टिकचे बारीक कण आढळून आल्याची माहिती समोर आली होती.

आता आणखी एका संशोधनात शास्त्रज्ञांना प्रथमच मानवी लिंगाच्या ऊतीमध्ये मायक्रोप्लास्टिक आढळले आहे. यामुळे पुरुषांच्या प्रजनन क्षमतेवर परिणाम होऊ शकतो आणि इरेक्टाइल डिसफंक्शन होण्याचाही संभाव्य धोका असल्याची शक्यता वर्तविण्यात आली आहे. यापूर्वी केलेल्या काही संशोधनात वीर्यांमध्येही मायक्रोप्लास्टिक्स आढळून आले आहे. इंटरनॅशनल जर्नल ऑफ इम्पोटेन्स रिसर्चमध्ये संशोधकांनी हा निष्कर्ष प्रकाशित केला आहे. या अभ्यासात नक्की काय सांगण्यात आले आहे? खरंच इरेक्टाईल डिसफंक्शनचा धोका निर्माण होऊ शकतो का? याविषयी जाणून घेऊ या.

आणखी वाचा

मित्राने इलेक्ट्रिक स्कूटर घेतली, तर तुम्हाला ३००० रुपये मिळणार; पाहा कंपनीच्या Boss sale मध्ये काय ऑफर्स असणार?

४ ऑक्टोबर पंचांग: मेष, वृषभसह ‘या’ राशींवर देवी…

astronomers research regarding future earth and how it will be after 800 million

विश्लेषण : ‘भविष्यातील पृथ्वी’बाबतचे खगोलतज्ज्ञांचे संशोधन काय? आठशे कोटी वर्षांनंतर पृथ्वी कशी असेल?

UPSC ची तयारी: अर्थशास्त्र विषयाची तोंडओळख

Krystle D'Souza's 60-Hour Non-Stop Shoot: Impact on the Body

अभिनेत्री क्रिस्टल डिसूझाने केले होते ६० तास नॉन-स्टॉप शूट! विश्रांती न घेता काम केल्याने शरीरावर काय परिणाम होतो? तज्ज्ञांकडून जाणून घ्या…

article about fabless semiconductor manufacturing history of the fabless industry

चिप-चरित्र : ॲपल टीएसएमसी : एक विजयी संयोग

artificial intelligence diagnose heart failure

कुतूहल: श्रमता हृदय हे!

Dyslexia brain connection| What is Dyslexia

Dyslexia brain research: मेंदू संदर्भातील नव्या संशोधनाने मिळणार डिस्लेक्सियाच्या उपचारांना दिशा; अध्ययन अक्षमता नेमकी का निर्माण होते?

हेही वाचा : संसदेची सुरक्षा कशी असते? संसदेच्या सुरक्षेत बदल का करण्यात आले?

संशोधन काय सांगतंय?

संशोधकांच्या टीमने प्रथम ऑगस्ट ते सप्टेंबर २०२३ दरम्यान मियामी विद्यापीठात इरेक्टाइल डिसफंक्शनशी संबंधित कृत्रिम अवयवांसाठी शस्त्रक्रिया केलेल्या सहा पुरुषांच्या ऊतींचे नमुने घेतले. रासायनिक इमेजिंग वापरून नमुन्यांचे विश्लेषण केल्यानंतर, शास्त्रज्ञांना सहापैकी पाच नमुन्यांमध्ये मायक्रोप्लास्टिक आढळले. “पेनाईल टिश्यूमध्ये सात प्रकारचे मायक्रोप्लास्टिक्स आढळले, ज्यामध्ये पॉलीथिलीन टेरेफ्थालेट आणि पॉलीप्रॉपिलीन या प्लास्टिकचे प्रमाण जास्त होते,” असे संशोधकांनी सांगितले.

पॉलीथिलीन टेरेफ्थालेट (पीइटी) प्लास्टिक मोठ्या प्रमाणावर अन्नाच्या पॅकेजिंगमध्ये वापरले जाते. जसे की, प्लास्टिकच्या बाटल्या आणि प्लास्टिकचे कंटेनर. तसेच पॉलीप्रॉपिलीन हा प्रकार सामान्यतः प्लास्टिकच्या बाटलीच्या टोप्यांमध्ये आढळते. अभ्यासानुसार, मायक्रोप्लास्टिक्स दोन मायक्रोमीटर किंवा मिलिमीटर इतके लहान होते. चाचणी करण्यात आलेल्या सहा पुरुषांपैकी ज्या पुरुषाच्या लिंगामध्ये कोणतेही मायक्रोप्लास्टिक आढळले नाही, तो पुरुष अतिशय पारंपरिक जीवनशैली जगतो”, असे संशोधनाचे प्रमुख डॉ. रंजित रामासामी यांनी ‘बिझनेस इनसाइडर’ला सांगितले. त्यांनी सांगितले की, ती व्यक्ती जास्त प्लास्टिकच्या वस्तूंचा वापर करत नाही. रामासामी यांनी ‘सीएनएन’ला सांगितले की, लिंगामध्ये मायक्रोप्लास्टिक सापडल्याने त्यांना फारसे आश्चर्य वाटले नाही, कारण ते हृदयासारखे अतिशय संवहनी अवयव आहे. संशोधक गटाला मागील एका अभ्यासात मानवी हृदयातही मायक्रोप्लास्टिक आढळून आले होते.

यामुळे इरेक्टाइल डिसफंक्शन होऊ शकते का?

मायक्रोप्लास्टिक पाच मिलिमीटर (०.२ इंच) पेक्षा लहान प्लास्टिक आहे. आपण जे अन्न खातो, पाणी पितो, श्वास घेतो आणि अगदी शारीरिक संपर्काद्वारेदेखील या प्लास्टिकचे कण शरीरात प्रवेश करत आहेत. संशोधनात हे स्पष्ट करण्यात आले आहे की, मायक्रोप्लास्टिक मानवी शरीराला मोठ्या प्रमाणात आजारी करत आहे. शास्त्रज्ञांना प्लास्टिकचे कण जवळजवळ शरीरात सर्वत्र आढळून येत आहेत.

एका अभ्यासानुसार शारीरिक संबंधावेळी उच्च रक्त प्रवाहामुळे मानवी लिंग अतिशय संवेदनाक्षम असू शकतो. शास्त्रज्ञांना शंका आहे की, या प्रक्रियेदरम्यान रक्तवाहिन्यांचे विस्तारीकरण अशी स्थिती तयार करू शकतात, ज्यामुळे मायक्रोप्लास्टिक्स पेनिल टिश्यूच्या म्हणजेच ऊतींच्या संपर्कात येऊ शकतात आणि जमा होऊ शकतात. त्यामुळे इरेक्टाइल डिसफंक्शनसारखी लक्षणे जाणवू शकतात. इरेक्टाइल डिसफंक्शनच्या स्थितीला शारीरिक संबंधावेळी पुरुषाच्या लिंगात ताठरेची कमतरता म्हणता येऊ शकते. इरेक्टाइल डिसफंक्शनची शक्यता वर्तविण्यात आली असली तरी, रामासामी यांनी ही प्रक्रिया पूर्णपणे समजून घेण्यासाठी आणखी एका संशोधनाची गरज असल्याचे सांगितले आहे. “मायक्रोप्लास्टिक्स इरेक्टाइल डिसफंक्शन्सशी जोडलेले आहेत की नाही हे ओळखणे आवश्यक आहे,” असे त्यांनी ‘सीएनएन’ला सांगितले.

हेही वाचा : अमेरिकेतील स्थलांतरितांसाठी बायडन सरकारचे नवे धोरण; भारतीयांना कसा होणार फायदा?

संशोधकांनी सांगितले की, मायक्रोप्लास्टिक्सचा शरीरातील व्यापक प्रसार चिंताजनक आहे. “एक समाज म्हणून आपण हे जाणले पाहिजे की, प्लास्टिकच्या पाण्याच्या बाटल्यांमधून पाणी पिणे, प्लास्टिकच्या डब्यातून अन्न घेणे आणि त्याहूनही वाईट म्हणजे प्लास्टिकच्या कंटेनरमध्ये अन्न मायक्रोवेव्ह करणे या गोष्टी टाळायला हव्यात. याद्वारेच शरीरात जास्त प्रमाणात प्लास्टिकचे कण शिरतात. याचा पुरुष जननेंद्रियांवर जास्त परिणाम होत आहे,” असे रामासामी यांनी ‘द गार्डियन’ला सांगितले.

Web Title: Microplastics found in penises erectile dysfunction rac