इस्रायलने गाझा पट्टीतील नागरिकांना दक्षिण दिशेला जाण्यास सांगून गाझावर आक्रमण करण्याची तयारी सुरू केली असताना दक्षिण आफ्रिकेच्या राष्ट्राध्यक्षांनी इस्रायलविरोधात भूमिका घेतली आहे. शनिवारी (१४ ऑक्टोबर) राष्ट्राध्यक्ष सिरिल रामाफोसा यांनी सत्ताधारी आफ्रिकन नॅशनल काँग्रेस (ANC) पक्षातील आपल्या सहकाऱ्यांसह माध्यमांना संबोधित करताना इस्रायलविरोधात निषेधाचा सूर लावला. यावेळी त्यांनी पॅलेस्टाइनचा पारंपरिक स्कार्फ खांद्यावर घेतला होता. “पॅलेस्टिनी नागरिकांच्या पाठीशी आम्ही उभे आहोत, हा संदेश देण्यासाठी आज आम्ही एकत्र जमलो आहोत. मध्य आशियात सध्या जो काही अत्याचार सुरू आहे, त्याबद्दल आम्ही मनापासून चिंतीत आहोत. पॅलेस्टिनी लोकांनी हा विषय कसा हाताळला याची आम्हाला पूर्ण कल्पना आहे. मागच्या ७५ वर्षांपासून पॅलेस्टिनी लोकांचा ताबा इतरांकडे आहे. याबद्दल जगातील अनेक देश आणि नेत्यांनीही आपले मत व्यक्त केलेले आहे”, अशी भूमिका रामाफोसा यांनी मांडली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
