विश्लेषण : सुविधांच्या सामायिक वापराने उच्च शिक्षण सुधारेल?

उच्च शिक्षण संस्थांमधील ग्रंथालय, प्रयोगशाळा, क्रीडा साहित्य, मैदान आदी साधनसुविधांचा वापर आता सामायिक पद्धतीने करणे शक्य होणार आहे. विद्यापीठ अनुदान आयोगाने (यूजीसी) त्याबाबत काही दिवसांपूर्वी मार्गदर्शक सूचना प्रसिद्ध केल्या आहेत. या मार्गदर्शक सूचनांमुळे सुविधा नसलेल्या उच्च शिक्षण संस्थांना अल्प खर्चात सुविधा उपलब्ध होऊ शकतील, सुविधा असलेल्या उच्च शिक्षण संस्थांना देखभाल खर्चासाठी निधी उपलब्ध होऊ शकेल, साधनसुविधांचा पुरेपूर वापर साध्य होऊ शकेल, विद्यार्थ्यांची साधनसुविधांची गरज पूर्ण होऊ शकेल, तसेच संयुक्त संशोधन प्रकल्प राबवता येऊ शकतील, हे यूजीसीला अपेक्षित आहे.