प्रशांत महासागरात ला निना सक्रिय झाल्यानंतरही भारतासह जगभराला तापमान वाढीला सामोरे जावे लागले. जानेवारी महिनाही सरासरीपेक्षा उष्ण ठरल्यामुळे २०२५ ची सुरुवात तापमान वाढीने झाली आहे, अशी स्थिती का निर्माण झाली, त्या विषयी…
ला निना सक्रिय झाला म्हणजे नेमके काय?
प्रशांत महासागरात अनेक महिन्यांच्या प्रतीक्षेनंतर डिसेंबर २०२४ मध्ये ला निनाची स्थिती सक्रिय झाली आहे. जुलै २०२४ पासून ला निना सक्रिय होईल, असा अंदाज अनेक जागतिक हवामान संघटनांनी जाहीर केला होता. पण, सर्व अंदाज फोल ठरले. डिसेंबर २०२४ ला ला निना सक्रिय झाला. पण, ला निना स्थिती खूपच कमकुवत असून, जेमतेम अडीच महिने म्हणजे मार्च अखेरपर्यंत सक्रिय राहण्याची शक्यता आहे. ला निना कमकुवत असल्यामुळे भारतासह जागतिक तापमान अथवा हवामानावर फारसा परिणाम होण्याची शक्यता नाही. प्रशांत महासागराच्या पूर्वेकडील भागात पाण्याच्या पृष्ठभागाचे तापमान सरासरीपेक्षा ०.७ अंश सेल्सिअसने कमी झाले आहे. त्यामुळे ला निना स्थिती निर्माण झाली, असे सांगितले जात आहे. प्रत्यक्षात ही स्थिती कमकुवत आहे, हेच तापमान सरासरीपेक्षा ०.९ अंश सेल्सिअसने कमी झाले असते तर ला निनाची स्थिती मजबूत आहे, असे म्हणता आले असते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
