अमेरिकेत २० जणांना ओरोपूश या गूढ विषाणूची बाधा झाल्याचे अमेरिकेतील रोगनियंत्रण व प्रतिबंध संस्थेने २७ ऑगस्टला जाहीर केले. क्युबातून परतलेल्या प्रवाशांमध्ये हा संसर्ग दिसून आला. ॲमेझॉन खोऱ्यात आढळून येणारा हा विषाणुसंसर्ग अमेरिकेत प्रथमच नोंदविण्यात आला आहे. हा कीटकजन्य आजार असून, २०२३ पासून ॲमेझॉन खोऱ्याच्या बाहेर त्याचा संसर्ग आढळून येत आहे. यामुळे ब्राझीलमध्ये दोन रुग्णांचा मृत्यू झाला आहे. विशेष म्हणजे या विषाणूचा शोध लागल्यापासून ७० वर्षांत आतापर्यंत एकाही रुग्णाच्या मृत्यूची नोंद झालेली नाही. यामुळे दक्षिण अमेरिकेतील देशांमधील आरोग्य यंत्रणा धास्तावल्या आहेत. त्यातच आता हा रोग अमेरिकेपर्यंत पोहोचला आहे. मातेपासून गर्भाला या रोगाचा संसर्ग होऊ शकतो आणि त्यावर अद्याप कोणतीही लस अथवा उपचार उपलब्ध नाहीत. या गूढ रोगामुळे जगासमोर आता नवीन आरोग्य संकट निर्माण होण्याची भीती व्यक्त होत आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
