बंगळूरात सुरु असलेल्या Aero India 2023 या Air Show चे महत्व काय?

आशियातील सर्वांत मोठा Air Show अशी ओळख असलेला Aero India हा Air Show दर दोन वर्षांनी भारतात बंगळूरू इथे भारतीय वायू दलाच्या येलहंका या तळावर भरवला जातो. १३ ते १७ फेब्रुवारी दरम्यानच्या यावेळच्या Aero India चे हे १४ वे वर्ष असून दरवर्षी Air Show ला प्रतिसाद वाढत असल्याचं चित्र आहे. ‘The runway to a billion opportunities’ असं या वेळचे घोषवाक्य असून एकप्रकारे संरक्षण आणि हवाई क्षेत्रातील गुंतवणूकीसाठी व्यासपीठ या Air Show च्या माध्यमातून उपलब्ध करुन देण्यात आलं आहे. यानिमित्ताने विविध देशांशी संबंध अधिक मजबूत करण्याच्या दृष्टीने पाऊल टाकण्यात येईल असं Aero India 2023 निमित्त प्रसिद्ध करण्यात आलेल्या प्रसिद्धी पत्रकात म्हंटलं आहे.