‘इंटिग्रेटेड कोचिंग’ काय आहे?
राज्यात मुंबई-पुण्यासह छत्रपती संभाजीनगर, नागपूर, कोल्हापूर, अमरावती, लातूर अशा शहरांमध्ये नीट, जेईई, एमएचटी-सीईटी अशा प्रवेश परीक्षांची तयारी विद्यार्थी अकरावीपासूनच सुरू करतात. त्यासाठी विद्यार्थी खासगी शिकवणी वर्गांना प्रवेश घेतात. काही शिकवणी वर्गांचे कनिष्ठ महाविद्यालयांशी ‘सामंजस्य’ असल्याने विद्यार्थ्यांची कनिष्ठ महाविद्यालयातील उपस्थिती परस्पर नोंदवली जाते. विद्यार्थी पूर्ण वेळ शिकवणी वर्गात उपस्थित राहून केवळ विज्ञान प्रात्यक्षिकांसाठी महाविद्यालयात जातात. अशा शिकवणी वर्गांना ‘इंटिग्रेटेड कोचिंग क्लास’ असे म्हटले जाते. त्यामुळे महाविद्यालयातील अध्यापनाकडे विद्यार्थी पाठ फिरवतात. त्यामुळे कनिष्ठ महाविद्यालयांतील विद्यार्थी उपस्थिती कमी होत असल्याचे चित्र आहे. शहरी भागात सुरू झालेले इंटिग्रेटेड कोचिंगचे लोण आता ग्रामीण भागातही पसरू लागले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
