जगातील तिसरी सर्वांत मोठी लोकशाही असलेल्या इंडोनेशियात सार्वत्रिक निवडणुकीसाठी बुधवारी (१४ फेब्रुवारी) मतदान पार पडले. इंडोनेशियातील २०.४ कोटी नागरिकांनी मतदानाचा हक्क बजावला. इंडोनेशियाचे विद्यमान राष्ट्राध्यक्ष जोको विडोडो आहेत; ज्यांना जोकोवी म्हणूनही ओळखले जाते. जोकोवी दोनदा इंडोनेशियाचे राष्ट्राध्यक्ष म्हणून निवडून आले. त्यामुळे यंदाची निवडणूक एका दशकाच्या नेतृत्वात बदल घडवेल, असे सांगण्यात येत आहे. राष्ट्राध्यक्ष पदासाठी तीन उमेदवारांची नावे पुढे आली आहेत. त्यात माजी जनरल प्रबोवो सुबियांतो यांचे नाव आघाडीवर आहे. २०१४ व २०१९ मध्ये सुबियांतो यांचा विद्यमान राष्ट्राध्यक्ष जोकोवी यांनी पराभव केला होता. या निवडणुकीत राष्ट्राध्यक्ष पदासाठी जकार्ताचे माजी राज्यपाल अनिस बास्वेडन व मध्य जावाचे माजी राज्यपाल गंजर प्रणोवो या दोघांच्या नावांचाही समावेश आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
