विश्लेषण : ‘यूट्यूब हँडल’ म्हणजे काय रे भाऊ? समजून घ्या यूट्यूबचं नवं फिचर

हेही वाचा >> विश्लेषण: दिवाळीत हमखास दिली जाणारी ‘सोनपापडी’ नेमकी आली तरी कुठून? काय आहे या मिठाईचा इतिहास?

यूट्यूबकडून आगामी काही दिवसांमध्ये यूट्यूब हँडल नावाची नवी संकल्पना प्रत्यक्षात राबवली जाणार आहे. यूट्यूबकडून कन्टेंट क्रिएटर्सना त्यांचे यूट्यूब हँडल निवडण्यासाठी ऑप्शन उपलब्ध करून दिला जात आहे. यूट्यूबवरील पात्र कन्टेंट क्रिएटर्सना हा ऑप्शन दिला जातोय. काही क्रिएटर्सना तसे मेल तसेच यूट्यूब स्टुडिओवर नोटिफिकेशन्स येण्यास सुरुवात झाली आहे.

हेही वाचा >> विश्लेषण: जयललिता यांच्या मृत्यूचा अहवाल आणि बदलते राजकीय संदर्भ… शशिकला यांच्यावर ठपक्याचा काय अर्थ?

यूट्यूने आपल्या निवेदनात काय सांगितले आहे?

आगामी १४ नोव्हेंबरपर्यंत यूट्यूवरील कन्टेंट क्रिएटर्सनी त्यांच्या पसंदीचे यूट्यूब हँडल निवडले नसेल तर त्यांना यूट्यूबकडून आपोआप एक हँडल दिले जाईल. ते नंतर यूट्यूब स्टुडिओमध्ये जाऊन बदलता येईल.

यूट्यूब हँडल काय आहे?

यूट्यू हँडलच्या माध्यमातून एखाद्या कन्टेंट क्रिएटरला शोधणे सोपे होणार आहे. यूट्यूबवर वेगवेगळ्या कन्टेंट क्रिएटरला वेगवेगळे यूट्यूब हँडल दिले जाईल. त्यामुळे फक्त यूट्यूब हँडलचे नाव सर्च केले तरी कन्टेंट क्रिएटरला शोधता येईल. कन्टेंट क्रिएटरलाही आपले सबस्क्रायबर्स वाढवण्यासाठी यूट्यूब हँडलची मदत होईल. उदाहरणार्थ एखाद्या कन्टेंट क्रिएटरचे यूट्यूब हँडल @user123 असे असेल तर तर त्याचे यूआरएल हे https://youtube.com/@user123. हे असे असेल. ज्यामुळे त्याला यूट्यूबवर शोधणे आणखी सोपे होईल.

हेही वाचा >> विश्लेषण: संघटना बांधणीसाठी मनसेचे मिशन-नागपूर, मिशन-बारामती? पण हा पक्ष खरोखर उरलाय किती?

हवे असलेले यूट्यूब हँडल नसल्यास काय करावे?

कधीकधी एखाद्या कन्टेंट क्रिएटरला त्याला हवे असलेले यूट्यूब हँडल उपलब्ध नसू शकते. त्याची वेगवेगळी कारणे असू शकतात. बहुतांशवेळा क्रिएटरला हवे असलेले हँडल अगोदरच कोणी घेतलेले असेल तर त्याला दुसरे हँडल निवडावे लागेल. त्यासाठी यूट्यूब कन्टेंट क्रिएटरला काही पर्याय सुचवेल. यूट्यूब कम्यूनिटी गाईडलाईन्सच्या विसंगत असल्यानंतरही क्रिएटरला एखादे यूट्यूब हँडल नाकारले जाऊ शकते.

हेही वाचा >> विश्लेषण: पाकिस्तान FATF च्या ‘ग्रे लिस्ट’मधून बाहेर; पण म्हणजे नेमकं काय? भारताचा विरोध का?

यूट्यूब हँडल कुठे कुठे दिसणार?

शॉर्ट्स टॅब, सर्च रिझल्ट, कमेंट्स विभाग, तसेच काही ठिकाणी मेन्शन करण्यासाठीही यूट्यूब हँडल दिसू शकेल.

क्रिएटर्सना यूट्यूब हँडलचा काय फायदा होणार?

शॉर्ट्स व्हिडीओंच्या माध्यमातून जास्तीत जास्त लोकांपर्यंत पोहोचण्यासाठी याचा फायदा होईल.

यूट्यूब हँडल्सच्या माध्यमातून एखादा क्रिएटर किंवा वापरकर्ता दुसऱ्या क्रिएटरला टॅग करू शकतो.

क्रिएटरचा शोध घेण्यासाठी यूट्यूब हँडलचा उपयोग करता येईल.

यूट्यूब हँडल्सच्या माध्यमातून एक क्रिएटर दुसऱ्या क्रिएटरशी जोडला जाईल.