FIFA World Cup 2018 AUS vs PER : पेरूचा शेवट गोड; ऑस्ट्रेलियावर २-०ने विजय

या सामन्याआधी पेरूचे स्पर्धेतील आव्हान संपुष्टात आले होते. या सामन्यातील पराभवामुळे ऑस्ट्रेलियाचेही स्पर्धेतील आव्हान संपुष्टात आले. मात्र पेरून विजय मिळवत गटात तिसऱ्या स्थानी राहत स्पर्धेचा शेवट गोड केला. फिफा विश्वचषकात पेरुचा ४० वर्षांनंतर हा पहिला विजय ठरला. पेरुने १९७८ साली इराणवर ४-१ असा विजय मिळवला होता.

दरम्यान, फ्रान्स आणि डेन्मार्कमध्ये झालेला सामना हा गोलशून्य बरोबरीत सुटला. मात्र आधीच्या २ सामन्यांत केलेल्या चांगल्या कामगिरीमुळे या दोनही संघांना बाद फेरीत स्थान मिळाले. फ्रान्सने गटात अव्वल स्थान पटकावले, तर डेन्मार्कने दुसऱ्या स्थानी राहत बाद फेरीतील स्थान निश्चित केले.

या दोघांचे सामने ड गटातील बाद फेरीसाठी पात्र ठरणाऱ्या संघांशी होणार आहेत.