FIFA World Cup 2018: रडत असलेल्या लहानग्या चाहत्याला भेटण्यासाठी रोनाल्डोने बस थांबवली, पाहा व्हिडीओ

स्पेनविरुद्ध सामन्यादरम्यान एक लहानगा चाहता पोर्तुगालला पाठींबा देण्यासाठी मैदानात हजर होता. सामना संपल्यानंतर आपल्या लाडक्या रोनाल्डोला भेटण्यासाठी हा चाहता आपल्या आईसोबत संघ निघण्याच्या जागेवर वाट पाहत होता. मात्र पोर्तुगालची बस निघताना पाहिल्यावर या लहानग्या चाहत्याला रुडु कोसळलं. रोनाल्डोला हा प्रकार समजल्यानंतर त्याने बसमधून बाहेर पडून त्या रडणाऱ्या चाहत्याची भेट घेतली. आपल्या व्यस्त वेळापत्रकामधून रोनाल्डोने त्या चाहत्याशी थोडा वेळ गप्पा मारल्या. या भेटीनंतर तो लहानगा चाहताही भारावरुन गेला होता. या घटनेचा व्हिडीओ सध्या सोशल मीडियावर चांगलाच व्हायरल होतोय.