हेक्लर अ‍ॅण्ड कॉख एमपी-५ सब-मशीनगन

तत्पूर्वी जर्मनीच्या ‘जीएसजी-९’ या दहशतवादविरोधी कमांडो पथकाने ऑक्टोबर १९७७ मध्ये लुफ्तांसा विमानाचे अपहरण करून ते सोमालियातील मोगादिशू येथे नेणाऱ्या दहशतवाद्यांविरुद्ध एमपी-५चा वापर केला होता. तेव्हापासून आजतागायत ही जर्मन बंदूक अमेरिकी नेव्ही सील्ससह जगभरच्या दहशतवादविरोधी कमांडो पथकांच्या गळ्यातील ताईत बनली आहे. त्यात भारतातील ‘एनएसजी’सह अन्य कमांडो पथकांचाही समावेश आहे. दहशतवादविरोधी कारवाईत एमपी-५ म्हणजे कमांडोंची ‘वेपन ऑफ चॉइस’ आहे.

आणखी वाचा

कुतूहल : किरणोत्सारी खनिजे

Economic Survey: आर्थिक सर्वेक्षण अहवाल सांगतोय २०२५ हे…

आयुक्तांनी फिरविला शब्द, ८० कोटी रुपयांच्या निधीचे वर्गीकरण

२४५० वर्षे जुन्या अस्सल सोन्याच्या शिरस्त्राणाची चोरी; का आहे हे शिरस्त्राण महत्त्वाचे?

अखेर बेस्टला मुहूर्त सापडला, विद्युतपुरवठा विभागात भरती सुरू

ISRO satellite launch mission : इस्रोने श्रीहरीकोटामध्ये ठोकले दमदार शतक, शंभराव्या उड्डाणात ५४८ वा उपग्रह केला प्रक्षेपित

अमेरिकेच्या ‘टुकार’ चिपनिशी चीनचा भन्नाट तंत्राविष्कार…चायना-मेड ‘DeepSeek’ चॅटबोटने जगभर खळबळ का उडवली?

एपीएमसीत हापूस दाखल

एमपी-५ची (मशीननपिस्टोल) निर्मिती तशी १९६६ सालची. तिच्या मॅगझिनमध्ये ९ मिमी व्यासाच्या १५ ते ३० पॅराबेलम गोळ्या मावतात. मिनिटाला ८०० च्या वेगाने साधारण २०० मीटपर्यंत गोळ्या झाडणारी एमपी-५ तुलनेने खूपच स्थिर आहे. परिणामी तिची अचूकताही उत्तम आहे. त्याचे गमक एमपी-५च्या ‘रोलर-डिलेड ब्लोबॅक’ प्रणालीत आहे. एमपी-५चे वजन केवळ अडीच किलो आणि लांबी २६ इंच आहे. त्यामुळे ती हाताळण्यास हलकी आणि लपवण्यास सोपी आहे. मात्र तिचा मारा तितकाच प्रखर आहे. तिचे हे गुण दहशतवादविरोधी कारवाईत उपयोगी ठरतात.

शहरी भागातील कारवायांसाठी एमपी-५ची कुर्झ म्हणजे लहान आवृत्तीही १९७२ साली वापरात आली. तिला एमपी-५ के म्हणतात. तिची लांबी केवळ १३ इंच आणि वजन २.१ किलो आहे. मात्र मारकक्षमता एका मिनिटाला ९०० गोळ्या इतकी आहे. इतक्या वेगाने गोळ्या झाडताना बंदूक स्थिर राहावी म्हणून तिच्या पुढेही वेगळी मूठ बसवली आहे. ही बंदूक खास ब्रिफकेसमध्ये ठेवूनही फायर करता येते.

जर्मन अभियांत्रिकीचा उत्कृष्ट नमुना असलेली ही बंदूक जगातील सर्वात प्रभावी सब-मशीनगनमध्ये गणली जाते.

sachin.diwan@expressindia.com