अमेरिकेने जपानच्या हिरोशिमा आणि नागासाकी या शहरांवर ६ आणि ९ ऑगस्ट १९४५ रोजी अणुबॉम्ब टाकले आणि दुसऱ्या महायुद्धाची सांगता झाली. जग अमेरिका आणि सोव्हिएत युनियन अशा दोन गटांत विभागून शीतयुद्ध सुरू झाले. त्या दरम्यान दोन्ही गटांतील देशांनी अण्वस्त्रे आणि ती डागण्यासाठी विविध पद्धतींचा शोध घेतला. अणुबॉम्ब, हायड्रोजन बॉम्ब अशी मोठमोठी अण्वस्त्रे बनवली गेली. तसेच त्यांना शत्रूप्रदेशात टाकण्यासाठी विमाने, क्षेपणास्त्रे, तोफा इतकेच नव्हे तर भूसुरुंगही बनवले गेले. हिरोशिमावरील हल्ल्यानंतर केवळ आठ वर्षांत शास्त्रज्ञांना तोफेतून डागता येण्यासारखी अण्वस्त्रे बनवण्यात यश आले. त्यानंतर तीन वर्षांत ही अण्वस्त्रे इतकी लहान बनवली गेली की ती १५५ मिमी व्यासाच्या तोफेतून डागता येऊ लागली. त्यातून टॅक्टिकल न्यूक्लिअर आर्टिलरीचा (डावपेचात्मक आण्विक तोफखाना) जन्म झाला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
