Ganesh Chaturthi 2024 Modak Recipe For Bappa :आपल्या लाडक्या बाप्पाचे उद्या ७ सप्टेंबर २०२४ रोजी आगमन होईल. गणपती बाप्पाचा सगळ्यात आवडणारा पदार्थ म्हणजे गोड-गोड मोदक. मोदक करायचे मग ते उकडलेले किंवा तळलेले करायचे असंच आपल्या डोक्यात पहिला येतं. मग यंदा काहीतरी वेगळं करून पाहिलं तर. हा मोदक तुम्ही साच्याच्या मदतीने तुम्ही अगदी सहज बनवू शकता. यात तुम्हाला सारण सुद्धा भरावं लागणार नाही. तर आज आपण माव्याचे मोदक कसे बनवायचे हे पाहणार आहोत. चला तर पाहुयात माव्याचे मोदक (Modak Recipe) बनवण्याची सोपी कृती… साहित्य : १. मावा२. पिठी साखर३. मिल्क पावडर४. जायफळ५. वेलची६. आवडीनुसार ड्रायफ्रूट्स७. मोदक बनवण्याचा साचा कृती : १. सर्वप्रथम मावा तुपात परतवून घ्या.२. नंतर एका प्लेटमध्ये काढून तो थंड करण्यास ठेवून द्या.३. नंतर त्यात त्यात पिठी साखर, मिल्क पावडर, घाला.४. त्यानंतर त्यात वेलची, जायफळ टाका.५. मिश्रण थोडं थंड झाल्यावर साच्यातून मोदक बनवून घ्या.६. मोदक करताना साच्यात आवडीनुसार ड्रायफ्रूट्स सुद्धा घाला.७. तर अशाप्रकारे तुमचे माव्याचे मोदक तयार. हेही वाचा…Ganeshotsav 2024 : यंदा बाप्पासाठी बनवा ‘रसमलाई मोदक’; VIDEO तून पाहा सोप्पी पद्धत; रेसिपी लिहून घ्या पटकन असेच तुम्ही 'बेसनचे मोदक' (Modak Recipe) सुद्धा बनवू शकता. साहित्य : १. तुप२. बेसन३. दुधावरची साय४. पिठी साखर५. जायफळ६. वेलची७. मोदक बनवण्यासाठी साचा८. आवडीनुसार ड्रायफ्रूट्स कृती : १. सगळ्यात पहिला तुपात बेसन परतवून घ्यावे लागेल.२. नंतर त्यात थोडी दुधावरची साय टाका.३. त्यानंतर त्यात पिठी साखर, वेलची, जायफळ टाका.४. मिश्रण थोडं थंड झाल्यावर साच्यातून मोदक बनवून घ्या.५. मोदक करताना आवडीनुसार ड्रायफ्रूट्स टाका. सध्या सगळीकडे गणेशोत्सवाची जोरदार तयारी सुरू आहे. बाप्पांच्या आगमनासाठी सर्व जण उत्सूक आहेत. अशात बाप्पांचे आवडते चमचमीत पदार्थ बनवण्यासाठी तुम्हीही खूप उत्सूक असाल. गणपतीला सर्वात जास्त मोदक (Modak Recipe) आवडतात.तर अशाप्रकारे तुम्ही बाप्पाच्या पुढ्यात दोन प्रकारचे म्हणजेच मावा आणि बेसनचे गोड-गोड मोदक नैवेद्य म्हणून ठेवू शकता किंवा घरात आलेल्या पाहुणे मंडळींना प्रसाद म्हणून सुद्धा देऊ शकता.