बाप्पा तुला गोड गोड मोदक घे! बाप्पाच्या नैवेद्यासाठी १० मिनिटात करा तळणीचे मोदक; कमी वेळात नैवेद्य तयार

तळणीचे मोदक साहित्य –

• गव्हाचे पीठ – १ वाटी
• बारीक रवा – पाव वाटी
• तेलाचे मोहन – २ चमचे
• सुक्या खोबऱ्याचा किस- पाऊण वाटी
• खसखस – २ चमचे
• पिठीसाखर – अर्धी वाटी
• नेवची पूड – अर्धा चमचा
• बदाम, काजू , पिस्ता पावडर – अर्धी वाटी
• बेदाणे – पाव वाटी
• तेल – २ वाट्या

तळणीचे मोदक कृती –

• सगळ्यात आधी गव्हाचे पीठ, रवा आणि चवीपुरतं मीठ घालून घट्टसर कणीक भिजवून घ्यायची. हे पीठ भिजवताना यामध्ये तेल गरम करुन त्याचे मोहन घालावे म्हणजे मोदक खुसखुशीत होण्यास मदत होते.

• एका पॅनमध्ये खोबरं आणि खसखस लालसर रंग येईपर्यंत परतून घ्यायची.

• गॅस बंद केल्यानंतर त्यामध्ये सुकामेव्याची पूड आणि पिठीसाखर घालून सगळे चांगले एकजीव करावे.

• शेवटी यात वेलची पूड आणि बेदाणे घालून सगळे चांगले हलवून एकजीव करावे.

• मळलेल्या पीठाच्या पुऱ्या लाटून घ्याव्यात.

• या पुऱ्यांमध्ये गार झालेले सारण भरुन त्याला छान पाकळ्या करुन मोदक बनवावा.

हेही वाचा >> Ganesh Chaturthi 2023: गणपतीच्या प्रसादात पहिला मान खोबऱ्याच्या खिरापतीचा! पाहा परफेक्ट पारंपरिक रेसिपी

• दुसरीकडे कढईत तेल तापायला ठेवून ते गरम होत आले की मोदक यामध्ये गोल्डन ब्राऊन रंगावर छान खरपूस तळून घ्यावेत.