गौरी सजावटीतून ‘स्वच्छ भारत’चा संदेश, माढ्यातील महिलेचा अनोखा उपक्रम

गौरींसमोर खाद्यपदार्थ, खेळणी, विद्युत रोषणाई केली जाते. परंतु, शारदा शिंदे यांनी मात्र गौरी पाहण्यास आलेल्या महिलांना वैचारिक मेजवानी मिळावी यांसाठी प्रबोधनात्मक फलक व विविध प्रकारची ४०० हून अधिक पुस्तकांनी गौरींची सजावट केली आहे.

शिंदे यांनी परिसर, घर आणि गाव स्वच्छतेसाठी लागणारे सुपली, झाडू, कचराकुंडी आदी साहित्य गौरी समोर मांडले आहेत. गौरीसमोर पुरुष व स्त्रीची प्रतिकृती साकारून त्यांच्या हातात स्वच्छते बाबतचे पोस्टर देण्यात आले आहेत. या उपक्रमात शारदा शिंदे यांनी धनश्री शिंदे, दत्ताजी शिंदे, संदीप शिंदे, जयदीप शिंदे, शिवतेज शिंदे यांच्या मदतीने हे आरास उभे केले आहे. गौरी पाहण्यासाठी आलेल्या महिलांना शारदा शिंदे या प्रबोधनात्मक पुस्तके भेट देत आहेत.