IPL 2020 : धोनीला सूर गवसला, पण संघाला विजय मिळवून देण्यात अपयशी

हैदराबादविरुद्ध सामन्यात धोनीने ३६ चेंडूत ४ चौकार आणि एका षटकारासह नाबाद ४७ धावा केल्या. अखेरच्या षटकांत धोनीने दोन-दोन धावा घेत गोलंदाजांवर दडपण आणण्याचा प्रयत्न केला. यादरम्यान उष्ण हवामानामुळे धोनीला दमही लागला. यानंतर वैद्यकीय उपचार आणि थोडावेळ श्वास घेत धोनीने पुन्हा एकदा संघाला विजय मिळवून देण्याचा पुरेपूर प्रयत्न केला. अखेरच्या षटकांत चेन्नईला विजयासाठी २८ धावांची गरज होती. परंतू युवा अब्दुल समदने आश्वासक गोलंदाजी करत हैदराबादला सात धावांनी मात केली.

Dhoni remained Unbeaten in lost matches (While chasing)

63* vs MI (2013)
42* vs KXIP (2014)
79* vs KXIP (2018)
84* vs RCB (2019)
29* vs RR (2020)
47* vs SRH (Today)*#CSKvSRH— CricBeat (@Cric_beat) October 2, 2020

दरम्यान, तेराव्या हंगामात चेन्नई सुपरकिंग्जच्या पराभवाची ही हॅटट्रीक ठरली आहे. सलामीच्या सामन्यात मुंबई इंडियन्सला हरवल्यानंतर चेन्नईला राजस्थान, दिल्ली आणि हैदराबाद या तीन संघाकडून पराभव पत्करावा लागला आहे. आघाडीच्या फळीतल्या फलंदाजांनी केलेली हाराकिरी चेन्नईच्या पराभवाला कारणीभूत ठरली आहे. हैदराबादच्या गोलंदाजांनी या सामन्यात टिच्चून मारा करत चेन्नईच्या फलंदाजांना संधीच दिली नाही.