कोल्हापूर : शेतात विद्युत तारेच्या धक्क्यानं बापलेकाचा मृत्यू

पन्हाळा तालुक्यात वारणानगर जवळ मसुदमाले गावात सकाळी शेतात वैरण आणण्यासाठी पाटील पितापुत्र गेले होते. या शेतातून ११ किलोवॅटची विद्युत वाहिनी गेली आहे. विद्युत खांबाचा ताण काढण्यासाठी स्वतंत्र दुसऱ्या तारेचा वापर करून ती शेतात रोवली आहे. या तारेला स्पर्श होवून बाबासाहेब पाटील यांना शॉक बसला. हे पाहून त्यांना वाचवण्यासाठी त्यांचा मुलगा राजवर्धन तातडीने धावला. त्यामुळे या घटनेत दोघांचाही जागीच मृत्यू झाला.

बाबासाहेब यांचे दोन्ही पाय गुडग्या पर्यंत पूर्णतः जळाले होते. त्यातच ते गतप्राण झाले. राजवर्धन हाही भाजला गेल्याने त्याचेही निधन झाले. बाबासाहेब पाटील हे मुळचे उत्रे (ता. पन्हाळा) येथील रहिवासी आहेत. माले गावचे जावई असलेले पाटील हे लग्नानतंर कायमस्वरूपी येथे राहण्यास आले होते.