विधानसभा निवडणूक जिंकली…पण ज्यांच्या बळावर यश प्राप्त केले त्या जनतेप्रति सामाजिक बांधिलकी व जनहित सार्थकी लावण्यासाठी इचलकरंजीचे भाजप आमदार राहुल प्रकाश आवाडे यांनी मताधिक्याइतके ५६ हजार ८११ वृक्ष लागवड मतदारसंघ व परिसरात करण्याचा संकल्प बुधवारी केला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> कोल्हापूर : विधानसभेचा निकाल मनसेला अमान्य; अविनाश जाधव

आणखी वाचा

माजी खासदार कल्लाप्पाण्णा आवाडे यांचे नातू आणि माजी वस्त्रोद्योग मंत्री प्रकाश आवाडे यांचे सुपुत्र असलेले आमदार राहुल आवाडे यांनी आपल्या आजोबांच्या पर्यावरणाचे जतन संकल्पनेला बळ देण्याचा छोटासा प्रयत्न या माध्यमातून केला आहे. जवाहर शेतकरी सहकारी साखर कारखाना परिसरात केलेली वृक्षलागवड लौकिकास पात्र ठरली आहे. त्याच धर्तीवर निवडणुकीत मताधिक्याइतकी वृक्षलागवड करण्याचा संकल्प त्यांनी केला आहे. हा संकल्प वस्त्रनगरी, औद्योगिकनगरी असलेल्या इचलकरंजीला वायुप्रदूषणापासून मुक्त होण्यासाठी उपयुक्त ठरणार आहे. विविध कारणांनी पर्यावरणाचा ऱ्हास होत असताना निसर्गाला समृद्ध करण्यासाठी वृक्ष लागवडीशिवाय पर्यायच नाही. त्यामुळे ५६ हजार ८११ वृक्ष लागवडीच्या संकल्पनेतून पर्यावरणाला बळ देण्याचा हा प्रयत्न आहे. नागरिकांनीही या संकल्पनेत सहभाग नोंदवावा, असे आवाहन आमदार राहुल आवाडे यांनी केले आहे.