आपत्ती व्यवस्थापनाची कोल्हापुरात चाचणी

जिल्हा आपत्ती व्यवस्थापन प्राधिकरणाच्यावतीने संभाव्य आपत्तीचा सामना करण्यासाठी सर्व यंत्रणा सज्ज आणि सजग ठेवण्यात आल्या असून आपत्ती काळात करावयाच्या उपाययोजनांमध्ये शोध आणि बचावकार्य महत्त्वाचे असून आज यातील मोटारबोटची पंचगंगा नदीत चाचणी घेण्यात आली.

तसेच शोध व बचाव कार्यासाठीच्या लागणाऱ्या आवश्यक साहित्याचे प्रात्यक्षिक घेण्यात आले. हे साहित्य आज पंचगंगा नदीकाठी चाचणीसाठी ठेवण्यात आले.

या प्रात्यक्षिकावेळी उपविभागीय अधिकारी प्रशांत पाटील आणि तहसीलदार डॉ. योगेश खरमाटे,   निवासी नायबतहसीलदार अनंत गुरव, महापालिकेचे आपत्ती व्यवस्थापन अधिकारी प्रसाद संकपाळ, मुख्य अग्निशमन अधिकारी रणजित चिले यांच्यासह सर्व संबंधित विभागाचे अधिकारी उपस्थित होते.