कोल्हापूर : सुशिला साबळे यांना कुसुम पारितोषिक जाहीर

कचरावेचक ते पर्यावरण रक्षक ठरलेल्या मुंबई येथील सुशीला साबळे यांची यंदाच्या कुसुम पारितोषिकासाठी निवड करण्यात आली आहे.५१ हजार रुपये, शाल, बोधचिन्ह असे पुरस्काराचे स्वरूप आहे, अशी माहिती बुधवारी देण्यात आली. पुरस्काराचे हे दहावे वर्ष आहे. आंतरभारती शिक्षण मंडळाच्या पल्लवी कोरगावकर, सुचिता पडळकर, तनुजा शिपूरकर, विनय पाटगावकर यांनी ही निवड केली. पुरस्कार वितरण रविवारी अंधश्रद्धा निर्मूलन समितीच्या राज्य अध्यक्ष सरोज एन. पाटील यांच्या हस्ते होणार आहे.