देशातील महिलांच्या पहिल्या साखर कारखान्यास टाळे

देशातील महिलांचा सहकारी तत्त्वावरील पहिला कारखाना म्हणून तांबाळे (ता. भुदरगड) येथे या कारखान्याची सुरुवात झाली होती. व्यवस्थापनाचे नियोजन, आíथक गणित बिघडल्याने कारखान्याचे धुराडे फार काळ पेटते राहू शकले नाही. परिणामी सन २००३-४ ला स्वबळावर ऊस गाळप चालू केलेला हा महिला कारखाना चुकीच्या धोरणामुळे लवकर बंद करावा लागला. नंतर तो ‘गोदावरी शुगर्स’ यांना भाडेतत्त्वावर चालवण्यास दिला. कारखाना सुरळीत चालू असताना संचालक मंडळ व ‘गोदावरी शुगर्स’ यांच्यातील अंतर्गत मतभेदामुळे संचालक मंडळाने तो पुन्हा ताब्यात घेतला. नंतर एक वर्ष स्वत: चालवून पुन्हा ‘शक्ती शुगर्स’ या खासगी कंपनीस भाडेतत्त्वाने दिला. परंतु, त्यांच्याशीही संचालक मंडळाचे जमले नाही. नंतर हा कारखाना बंद अवस्थेत राहिला. या कारखान्यावर जिल्हा बँक व आयडीबीआय बँकेचे कर्ज आहे. कर्जाची ही थकबाकी ११४ कोटींवर गेली होती. एकरकमी परतफेड (ओटीएस) खाली ८० कोटी रुपयांत ही तडजोड करण्यात आली होती. या परतफेडीसाठी २० जून ही अंतिम मुदत दिली होती.  परतफेड न झाल्याने आयडीबीआय बँकेने कारखान्याची मालमत्ता ताब्यात घेऊन कारखान्यास शुक्रवारी टाळे ठोकले. या वेळी मोठा पोलीस बंदोबस्त ठेवण्यात आला होता.

आणखी वाचा

चार वेळा निवडून आले ईव्हीएमवर संशय कसा घेऊ? खासदार सुप्रिया सुळे यांचे विधान

अपात्र ‘लाडक्या बहिणी’ची रक्कम पुन्हा सरकारजमा

लोकशिवार : नॅनो खते; पिकांच्या अन्नद्रव्य व्यवस्थापनातील आविष्कार

मालेगावजवळ बनावट मद्यनिर्मिती कारखान्यावर छापा, ७० लाखांचा ऐवज जप्त

चिप चरित्र: चिपपुरवठा साखळी आणि भारत

माझा पोर्टफोलिओ : सुयोग्य बेअरिंगच्या शोधाला उत्तर

माथाडींच्या आंदोलनामुळे सोलापुरात चार दिवस कांदा लिलाव ठप्प

महाविकास आघाडी म्हणते…सरकारने शेतकरी, कष्टकरी, तरुण, उद्योजकांच्या तोंडाला पाने पुसली !

कर्मचारी पगाराविना

कारखान्यात एकूण ३४० कर्मचारी असून, त्यापकी कायम २३० कर्मचारी, हंगामी ११० कर्मचारी आहेत. या कर्मचाऱ्यांच्या रोजगाराचा प्रश्न निर्माण झाला आहे. किमान दोन ते अडीच वर्षांंपासून कर्मचारी पगाराविना असल्याने त्यांची अवस्था दयनीय झालेली आहे.