विवाहबाह्य संबंधामुळे वाद, महिलेच्या धमकीमुळे मुख्याध्यापकाची आत्महत्या

हातकणंगले येथील अण्णासाहेब डांगे शिक्षण संस्थेच्या आश्रम शाळेत भास्कर यादव हे मुख्याध्यापक होते. शनिवारी सकाळी भास्कर यादव यांनी राहत्या घरी गळफास घेत आत्महत्या केली. आत्महत्येपूर्वी यादव यांनी एक सुसाईड नोट लिहून ठेवली होती. यात त्यांनी विवाहबाह्य संबंधातील वादाचा उल्लेख केल्याचे समजते. भास्कर यादव यांचे शाळेतील एका शिक्षिकेशी संबंध होते. या महिलेने यादव यांच्याकडे लग्नाचा तगादा लावला. यादव यांनी पहिल्या पत्नीला आणि मुलांना सोडून त्या शिक्षिकेशी लग्न केले. तिला घर आणि गाडीची व्यवस्थाही करुन दिली.

आणखी वाचा

लाच मागितल्याने महिला सरपंचावर गुन्हा, बदलापूर जवळच्या वांगणी ग्रामपंचायतीतील प्रकार

कल्याण मारहाण प्रकरण: “तो म्हणाला मुख्यमंत्री कार्यालयातून एक…

‘नवरा आणि सासरच्या लोकांचा छळ करण्यासाठी कायद्याचा दुरूपयोग नको’, सर्वोच्च न्यायालयाची महत्त्वपूर्ण टिप्पणी

पिंपरी-चिंचवड: नवऱ्याच्या प्रेयसीला आणि मध्यस्थी करणाऱ्या महिलेला पत्नीने घडवली अद्दल; प्रकरण थेट पोलीस ठाण्यात

“न्याय प्रलंबित आहे”, गळ्यात फलक लटकावून तरुणाची आत्महत्या; २४ पानी नोटमुळे पोलिसांसमोर आव्हान वाढले!

जिवे मारण्याची धमकी देऊन शाळकरी मुलीशी अश्लील कृत्य, अल्पवयीनांविरुद्ध गुन्हा दाखल

पुणे : अटकेची भीती दाखवून ज्येष्ठाची फसवणूक, सायबर चोरट्यांविरुद्ध गुन्हा

डॉ. पायल तडवी आत्महत्या प्रकरण : नायर रुग्णालयाच्या तत्कालीन विभागप्रमुखांना आरोपी करा, सरकारी पक्षाची विशेष न्यायालयाकडे मागणी

मात्र, गेल्या काही दिवसांपासून यादव आणि त्या महिलेत वाद सुरु होते. महिलेचे आणखी एका पुरुषाशी अनैतिक संबंध असल्याचा संशय यादव यांना होता. दोघांमधील वाद वाढले होते. वाद वाढल्याने यादव पेठ वडगाव येथे पहिल्या पत्नीसोबत राहायला गेले. दुसरीकडे हातकणंगलेत महिलेने पोलिसांच्या महिला तक्रार निवारण केंद्राकडे तक्रार अर्ज दिला होता. तक्रार अर्ज मागे घ्यायचा असल्यास ३० लाख रुपये द्यावे, अशी मागणी तिने यादव यांच्याकडे केली होती. आता आपल्यावर गुन्हा दाखल झाल्यास नोकरी जाईल, या भीतीपोटी त्यांनी आत्महत्येचे टोकाचे पाऊल उचलले, असे पोलीस सूत्रांनी सांगितले. या प्रकरणी यादव यांचा मुलगा पोलीस ठाण्यात तक्रार दाखल करण्यासाठी पोहोचला आहे.