कोल्हापूर, इचलकरंजीत दमदार पाऊस; झाड कोसळल्याने दुचाकीस्वार जखमी

चार दिवसापूर्वी कोल्हापूर जिल्ह्याच्या विविध भागात वादळी वाऱ्यासह पाऊस पडला होता. आजही तसाच अनुभव आला. दख्खनचा राजा जोतिबा देवाची यात्रा गुलालाच्या उधळणीत पार पडते. यात्रा संपल्यानंतर गुलाल धुवून काढण्यासाठी पाऊस धावून येतो, अशी भाविकांची धारणा आहे.

हेही वाचा…कोल्हापुरात ‘एमआयएम’कडे पाठिंबा मागितलेला नसल्याने स्वीकारण्याचा प्रश्नच येत नाही; महाविकास आघाडीच्या नेत्यांचे स्पष्टीकरण

काल पाऊस झाला नसला तरी आज सायंकाळी कोल्हापूर, इचलकरंजी यासह जिल्ह्याच्या अनेक भागात दमदार पावसाने हजेरी लावली. त्याआधी जोराचे वारे वाहू लागले होते. ढगांचं गडगडाट होत पाऊस बरसू लागल्याने काही काळातच अवघे शहर जलमय झाले. १५ मिनिटे ते अर्धा तास पावसाची हजेरी होती. करवीर पंचायत समिती कार्यालयासमोर दुचाकी वर झाड कोसळले. जखमी दुचाकी स्वारास रुग्णालयात दाखल करण्यात आले आहे.