VIDEO : कोल्हापुरात भीषण अपघातात मोटारचालकासह तिघांचा मृत्यू

येथील शिवाजी विद्यापीठाजवळ असलेला सायबर चौक हा वर्दळीचा भाग आहे. आज दुपारी या चौकातून भरधाव वेगाने निघालेल्या मोटारीने चौकाच्या एका बाजूकडून दुसऱ्या बाजूला सुमारे ५० मीटरच्या अंतरामध्ये चार वाहनांना उडवले. मोटारीच्या वेगाने रस्त्याकडेला लावलेले लोखंडी संरक्षण कठडे मोडून पडले. प्रत्यक्षदर्शींच्या माहितीनुसार चार दुचाकी वाहनावरून आठ जण प्रवास करीत होते. ते सर्वजण मोटारीच्या धडकेमुळे पाल्या पाचोळ्यासारखे उडाले. या घटनेने पाहणाऱ्यांचा थरकाप उडालेला होता. काही क्षण काय करावे हेच समजत नव्हते. अपघाताचे भीषण स्वरूप लक्षात आल्यानंतर मदतीसाठी अनेक जण धावले. त्यांनी जखमी मोटार चालक तसेच अन्य जखमींना वाहनातून तातडीने रुग्णालयात हलवले.

आणखी वाचा

काच कारखान्यातील दुर्घटनेप्रकरणी मालकासह पाचजणांविरुद्ध गुन्हा, येवलेवाडीतील दुर्घटनेत चार कामगारांचा मृत्यू

४ ऑक्टोबर पंचांग: मेष, वृषभसह ‘या’ राशींवर देवी…

येवलेवाडीत काचेच्या कारखान्यात अपघात, चार कामगारांचा मृत्यू; दोन गंभीर जखमी

कल्याण, मुरबाड येथे वीज पडून तीन जणांचा मृत्यू

पुणे : पैगंबर जयंती मिरवणुकीत वीज वाहिनीच्या धक्क्याने दोन तरुणांचा मृत्यू

सिंहगडाजवळ सांबारेवाडीतील हाणामारीत गंभीर जखमी तरुणाचा मृत्यू

नाशिक जिल्ह्यात अपघातात दोघांचा मृत्यू, एक जखमी

गोरेगाव येथे दुचाकीला बसची धडक; एकाचा मृत्यू

पाटील बंधूंना प्रारंभी खाजगी सिटी रुग्णालयात दाखल केले होते. नंतर त्यांच्या सर्वच नऊ जणांना सीपीआर रुग्णालयात दाखल करण्यात आले. तेथे मोटार चालक चव्हाण यांच्यासह तिघांचा मृत्यू झाल्याचे सूत्रांनी सांगितले. याशिवाय प्रथमेश सचिन पाटील, धनाजी शंकर कोळी व शुभांगी शंकर कोळी हे उभयता ,जयराज संतोष पाटील, मयूर मारुती खोत, आणि लहान मुलगा समर्थ पंकज पाटील हे जखमी झाले आहेत. त्यांच्यावर उपचार सुरू आहेत.

शैक्षणिक क्षेत्राला धक्का

दरम्यान या अपघातामध्ये शिवाजी विद्यापीठाचे माजी प्र-कुलगुरू डॉ. व्ही.एम. चव्हाण यांचा अपघाती मृत्यू झाल्याने शैक्षणिक क्षेत्राला धक्का बसला. त्यांनी प्रभारी कुलगुरू, प्र – कुलगुरू पदावर कामकाज केले आहे. ते दीड वर्ष प्राचार्य होते. भारती विद्यापीठांमध्ये संचालक म्हणून त्यांनी काम पाहिले आहे. सुमारे डझनभर अधिक शैक्षणिक, सामाजिक, सांस्कृतिक क्षेत्रामध्ये त्यांनी विविध पदांवर काम केले आहे. त्यांना नवी दिल्लीच्या नॅशनल स्टडीज प्रमोशन इन्स्टिट्यूटचा मॅनेजमेंट एक्सलन्स अवॉर्ड पुरस्कार मिळालेला होता.